5 ժամ տևած Փաշինյան-Ալիև հանդիպումն ավարտվել է անորոշության մեջ

5 ժամ տևած Փաշինյան-Ալիև հանդիպումը կրկին ավարտվել է անորուշությամբ, իսկ «Խաղաղության պայմանագիր» կոչվող փաստաթուղթը կրկին մնացել է օդում կախված։
Աբու Դաբիում առավոտյան մեկնարկել էր Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։

Փակ հանդիպմանը զուգահեռ, երբ որևէ տեղեկություն հանդիպման ընթացքից հասանելի չէր, ադրբեջանական լրատվամիջոցները սկսել էին տեղեկատվական արշավը։
5 ժխմ հետո հանդիպումն ավարտվեց, իսկ ավարտի պահից հետո ադրբեջանական լրատվականները ակտիվորեն վերցնում են տեղեկատվական խոսույթն իրենց ձեռքը, ինչպես գրում է քաղաքագետ Թաթևիկ Հայրապետյանը, նախապես գրված տեքստերը պատրաստ են, դրանք արագորեն տարածվում են բոլոր աղբյուրներով։

Հայկական կողմում լռություն է, տեղեկատվություն չկա, շատերը հենց ադրբեջանական աղբյուրներից են օգտվում, այդ թվում հայկական մամուլը։

Րոպեներ անց ՀՀ Արտաքին գործերի նախարարությունը հայտնեց.
«Աբու Դաբիում կողմերը հաստատել են, որ երկկողմ բանակցությունները հարաբերությունների կարգավորման գործընթացին վերաբերող բոլոր հարցերը հասցեագրելու ամենաարդյունավետ ձևաչափն են, և այդ հիմքով պայմանավորվածություն է ձեռք բերվել շարունակել արդյունքին միտված այդպիսի երկխոսությունը:
Պայմանավորվել են շարունակել երկու երկրների միջև երկկողմ բանակցությունները և վստահության ամրապնդման միջոցները»,- ասվում է ՀՀ ԱԳՆ հայտարարությունում։

Հարկ է նշել, որ ամիսներ առաջ Տիրանայում տեղի էր ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի ոչ պաշտոնական հանդիպումը։

Վարչապետի աշխատակազմի փոխանցմամբ՝ Փաշինյանն ու Ալիևը կարևորվել են Հայաստան-Ադրբեջան խաղաղության համաձայնագրի տեքստի համաձայնեցումը։ Սակայն ինչպես հասկացանք, այս հանդիպման ընթացքում «Խաղաղության պայմանագրի» կետերի մասին քննարկում չի եղել։

Էմմա Միքայելյան