Սեքսուալ կնոջ վեց պատվիրան

1. Առեղծվածային կինը տղամարդու համար ավելի ցանկալի է
Սեքսուալ կնոջ մեջ համադրվում են իսկական լեդիի վարքը եւ կենսուրախ, պարզ աղջնակի ազատությունը, խորը միտքը եւ թեթեւ շփումը, նախազգուշությունն ու անհոգությունը, դատողությունների ազատությունն ու անձնական անձեռնմխելիությունը։ Մենք առաջինը չենք, ով կասի, որ տղամարդկանց հետաքրքրությունը շարժում է խորհրդավոր կինը։ Այդպիսին է նրա բնույթը։

2. Սեքսուալ կինը գիտի, թե որքան է իր բախտը բերել, որ կին էծնվել
Նա թքած ունի գեղեցկության կարծրատիպերի վրա, որոնք նույնքան փոփոխական եւ անկայուն, որքան ծովի քամին։ Նա վառ է, հմայիչ, բարեսիրտ, արտիստիկ, քնքուշ, խորամանկ, գրավիչ... Նա կանացի է եւ վստահ։

3. Սեփական արժանապատվության զգացումը սեքսուալ կնոջ արյան մեջ է
Դա երեւում է հայացքի մեջ, խոսելու, իրեն պահելու, գլուխը թեքելու եւ թեթեւ ժպիտի մեջ։ Կանացի գայթակղության պարզունակ հնարքները նրան խորթ են։ Նա դրանք անօգուտ եւ անտեղի է համարում, քանի որ հիանալի հասկանում է, թե ինչպես են դրանք վախեցնում տղամարդկանց։ Իսկ սեփական անձի նկատմամբ խորը հարգանքը տղամարդկանց ստիպում է նույն կերպ վերաբերվել իրեն։ Նման կնոջ մասին ասում են՝ նա իր գինը գիտի։

4. Վուլգարությունը հակասում է սեքսուալ կնոջը
Դա ուղղակի բացակայում է նրա մոտ։ Նա հիանալի գիտի, որ իսկական սեքսուալության եւ էժան վուլգարության միջեւ հսկայական տարբերություն կա, եւ այդ սահմանն անցնել չի կարելի։

5. Սեքսուալ հագնված կինը ցանկության առարկա է տղամարդկանց համար
Ասում են՝ հետաքրքիր խոսակցությունն արվեստ է պատմել ավելի քիչ, քան զրուցակիցը կուզեր իմանալ։ Նույնն էլ հագուստի դեպքում. հագնվել այնպես, որ քեզ ուզենան մերկացնել։ Այն կանայք կատարելապես են տիրապետում այդ արվեստին։ Ոչ, ոչ։ Խոսքը մեծ դեկոլտեի, նեղ ջինսի, բաց գոտկատեղերի եւ թափանցիկ վերնաշապիկների մասին չէ։ Ամեն բան ավելի բարդ է։ Իսկապես սեքսուալ կնոջ հագուստը տղամարդուն ստիպում է գործի դնել երեւակայությունը եւ պատկերացնել այն, ինչը թաքցրած է աչքերից։

6. Սեքսուալ կինը կատարելապես է տիրապետում նուրբ սեթեւեթանքի արվեստին
Նա հաղթում է՝ պարտվելով տղամարդուն այնպես, որ վերջինիս մտքով անգամ չի անցնում, որ հաղթողն ինքն է։