Բանջարեղենային կոկտեյլ, որը կօգնի կարգավորել լյարդի աշխատանքն ու կմաքրի ամբողջ օրգանիզմը

Ձեր ուշադրությանն ենք ներկայացնում բանջարեղենային մի կոկտեյլ, որը հիանալի միջոց է լյարդի աշխատանքը կարգավորելու համար: Այն ոչ միայն շատ համեղ է, այլև մաքրում է ամբողջ օրգանիզմը: Ընդամենը մեկ շաբաթ այս ըմպելիքն ընդունելու և առողջ սնունդ օգտգործելու դեպքում կարելի է հիանալի արդյունք ստանալ և վերականգնել լյարդի առողջությունը:

Բաղադրությունը.

·        3 հատ գազար,

·        2 հատ կանաչ խնձոր,

·        1 հատ ճակնդեղ,

·        0,5 կիտրոն (կեղևազրկած),

·        մի կտոր թարմ կոճապղպեղի արմատ,

·        հազարի կամ սպանախի երկու տերև:

Պատրաստման եղանակը.

Բոլոր բաղադրիչները լվանալ ու մաքրել, այնուհետև լցնել կոտորակիչի մեջ և լավ մանրացնել: Այս խառնուրդին ավելացնել 2 բաժակ ջուր և կրկին լավ խառնել, մինչև ստացվի համասեռ զանգված: Ստացված ըմպելիքը հարկավոր է պահել սառնարանում և օգտագործել սառը վիճակում:

Գազարը հարուստ է ֆլավոնոիդներով ու վիտամին A-ով և սնուցում է լյարդը: Խնձորներում պարունակվող պեկտինն օգնում է դուրս բերել տոքսիններն օրգանիզմից: Հազարի թերթիկները բարելավում են արյան շրջանառությունն ու ամրապնդում իմունային համակարգը: Կոճապղպեղն ու կիտրոնը նպաստում են աղեստամոքսային համանակարգի աշխատանքի կարգավորմանը, ազատում են փորափքանքից ու բարելավում նյութափոխանակությունը, իսկ հում ճակնդեղը հարուստ է մանրաթելերով, որոնք շատ օգտակար են աղիների համար:

Նյութի աղբյուրը՝ med.tert.am