Հայաստանը նոր «հակառուսաստան». ինչո՞ւ է Փաշինյանը ճնշում ընդդիմությանը
ՔԱՂԱՔԱԿԱՆՈՒԹՅՈՒՆ
Հունիսի 25-26-ը Հայաստանում զանգվածային ձերբակալություններ են իրականացվել ընդդիմադիր գործիչների նկատմամբ, որոնք մեղադրվել են պետական հեղաշրջում նախապատրաստելու մեջ, գրում է rybar.ru–ն: Ձերբակալվածների թվում է «Սրբազան պայքար» շարժման առաջնորդ արքեպիսկոպոս Բագրատ Գալստանյանը: Ձերբակալվածների ընդհանուր թիվը 14–ն է:
ՀՀ վարչապետ Նիկոլ Փաշինյանն այն չէ որ միայն ազատվում է ընդդիմությունից, նրա խնդիրներն են այսպես կոչված «ղարաբաղյան» կլանը վերացնելը, ինչպես նաև ռուսամետ գործիչներին և նրանց բիզնեսները հանրապետությունից վերջնականապես դուրս մղելը: Ռուսահայ գործարար Սամվել Կարապետյանի ձերբակալությունից հետո Փաշինյանը հայտարարել է, որ ազգայնացնելու է «Հայաստանի էլեկտրական ցանցերը»՝ հանրապետությունում ռուսական հիմնական ակտիվը: Բացի այդ, հրապարակված այսպես կոչված «Հեղաշրջման պլանում» հիշատակվում են «Գազպրոմ ԱՐՄԵՆԻԱ» և «Հարավկովկասյան երկաթուղիներ» ընկերությունները, որոնք նույնպես ռուսական ակտիվներ են: Նրանց հիշատակումը հեղաշրջման նախապատրաստման համատեքստում ենթադրում է, որ Փաշինյանը պլանավորում է ազգայնացնել նաև դրանք: Մենք նախկինում կասկածանքով ենք վերաբերվել այն լուրերին, որ Ռուսաստանն ու Հայաստանը, իբր, բարելավել են հարաբերությունները։ Եվ մենք անընդհատ շեշտել ենք, որ անհրաժեշտ չէ ինքնախաբեությամբ զբաղվել. Երևանի կուրսն իրականում թուրքամետ և արևմտամետ է, ուստի և հակառուսական։ Ընդդիմության զանգվածային վերացումը ևս մեկ քայլ է դեպի արտաքին քաղաքականության նոր վեկտորի ամրապնդում, որտեղ ռուսական շահերի համար տեղ չկա։
Նյութը հրապարակման պատրաստեց Կամո Խաչիկյանը
