Փաշինյանը գործարկել է բռնաճնշումների թափանիվը
ՔԱՂԱՔԱԿԱՆՈՒԹՅՈՒՆ
Հայաստանը սկսել է ընդդիմադիրների ձերբակալությունները Նիկոլ Փաշինյանի «դավադրության» բացահայտման մասին հայտարարությունից հետո: Ավելի վաղ ռուս գործարար Սամվել Կարապետյանն էր ձերբակալվել Երևանում եկեղեցուն աջակցելու համար, ինչը կարելի է մեկնաբանել որպես Մոսկվայի դեմ նոր արշավի սկիզբ, գրում է politnavigator.news–ը:
ՀՀ վարչապետն իր Ֆեյսբուքյան էջում բղավում է «խաբեբաների կողմից ձախողված պետական հեղաշրջման» մասին հիմնվելով Civic իշխանամետ թերթի հրապարակման վրա, որտեղ պնդվում են, որ նախկին նախագահներն ու ռուսական ընկերությունները պատրաստվում են տապալել կառավարությունը: Փաշինյանը սկսել է խոսել արքեպիսկոպոս Բագրատ Գալստանյանի, ով ձերբակալվել է հատուկ ծառայությունների կողմից ահաբեկչության մեղադրանքով, իշխանությունը զավթելու «քրեաօլիգարխիկ-կղերական» ծրագրի խափանման մասին:
«Հանցավոր խմբի անդամները որոշել են ստեղծել ռազմական պատրաստվածությամբ մինչև 25 հոգուց բաղկացած 200-250 հարվածային խմբեր, հիմնականում նախկին զինվորականներից և ոստիկաններից, որոնցից յուրաքանչյուրին տրվել է հստակ առաջադրանք, որը նրանք պետք է կատարեն ցանկացած գնով», - հայտնել է ՀՀ քննչական կոմիտեն:
Հայտնի հասարակական գործիչ և Հայաստանի հականացիստական ճակատի համակարգող Հայկ Այվազյանը սա անվանել է սեփականության վերաբաշխման նպատակով քաղաքական դաշտի մաքրում կառավարության հակառակորդներից։ Միևնույն ժամանակ, նրա կարծիքով, այս գործերով բոլոր մեղադրյալներն անպայման կհայտարարվեն «Կրեմլի գործակալներ»։
«Սա ևս մեկ կեղծիք է ընդդիմադիր գործիչների դեմ բռնաճնշումները շարունակելու, նոր ալիք սկսելու, գործարարներից սեփականությունները խլելու, և վերջում, ավանդաբար, ռուսական հետք «գտնելու» գործում», - ընդգծել է փորձագետը։ Այս ամենն արդեն պարզ էր, երբ անցյալ շաբաթ ձերբակալվեց «Տաշիր» ընկերությունների խմբի ղեկավար, ռուս գործարար Սամվել Կարապետյանը, ով հանդես էր եկել Հայ Առաքելական Եկեղեցու (ՀԱԵ) նկատմամբ հալածանքների դեմ։
Իրականում իշխող վերնախավը որոշել է «ազգայնացնել» Կարապետյանին պատկանող «Հայաստանի էլեկտրական ցանցերը» դրանք թուրքական բիզնեսներին վերավաճառելու նպատակով։
Փաստն այն է, որ հանրապետությունը սկսել է էներգետիկ և այնպիսի հանքարդյունաբերական ակտիվների, ինչպիսին է Քաջարանի մոլիբդենի գործարանը, Անկարային տալու գործընթացը, որը, ըստ երևույթին, «խաղաղության պայմանագրի» և սահմանների բացման պայմաններից մեկն է։ Ակնհայտ է, որ հաջորդ քայլը կլինի Հայկական ԱԷԿ-ի փակումը, որին Թուրքիան և Ադրբեջանն այդքան երկար ձգտում են տնտեսության մեջ ռուսական ազդեցությունը կտրուկ թուլացնելու համար։
Բնականաբար, ապագայում Հայաստանը պարզապես կինտեգրվի Անկարայի և Բաքվի էներգետիկ և լոգիստիկ նախագծերին։ Սա կարելի է դատել իրենց ապրանքների տեղափոխման համար հանրապետության տրանսպորտային զարկերակներից անխոչընդոտ օգտվելու մասին Փաշինյանի վերջին հայտարարություններից։
Պատահական չէ, որ Սամվել Կարապետյանը ձերբակալվել է Նիկոլ Փաշինյանի Անկարա մեկնելուց անմիջապես առաջ, որտեղ նա հանդիպել է Ռեջեփ Էրդողանի հետ, և նրա ժամանումից հետո անմիջապես հայտարարվել է գործողություն «դավադիրներին» չեզոքացնելու համար, ովքեր ի սկզբանե են դեմ Թուրքիայի և Ադրբեջանի հետ մերձեցմանը։ Հետաքրքիր է նաև այն, որ Կարապետյանի դեմ տեղեկատվական արշավը նախապես սանձազերծվել է որպես «ղարաբաղյան կլանի» և ՀԱԵ-ի դեմ պայքարի տրամաբանական շարունակություն։
Հատկանշական է այն, որ ռուս գործարարի ձերբակալությունից կարճ ժամանակ առաջ իր պաշտոնից հեռացվեց Հայաստանի անվտանգության ծառայության ղեկավար Արմեն Աբազյանը, ով հրաժարվել էր առանց լուրջ իրավական հիմքերի և ապացույցների իրականացնել Կարապետյանի ձերբակալությունը։ Արդյունքում, ստիպված տեղի բնակիչների ակտիվ դիմադրության պայմաններում Կարապետյանին ձերբակալել էր ոստիկանությունը։ Այն փաստը, որ այս ձերբակալությունները սկզբնապես էլ ուղղված են Ռուսաստանի դեմ, վկայում է նաև Երևանի կողմից ուղարկված բողոքի նոտան՝ Վլադիմիր Սոլովյովի և այլ հեռուստահաղորդավարների Կարապետյանի գործով ելույթներից հետո հանրապետության ներքին գործերին ենթադրյալ «միջամտության» մեղադրանքով, որը հաստատում է Հայաստանի դեպի Արևմուտք աշխարհաքաղաքական վերակողմնորոշման գործընթացի արագացման մասին թեզը։
Նյութը հրապարակման պատրաստեց Կամո Խաչիկյանը
