Իրանցի հրամանատարը՝ Իսրայելի կողմից հրադադարի խախտման մասին
ՄԻՋԱԶԳԱՅԻՆ
Իրանի զինված ուժերի գլխավոր շտաբի պետը հայտարարել է, որ թեև Իրանը հակամարտության նախաձեռնողը չի եղել, սակայն ագրեսորին պատասխանել է ողջ ուժով: Նա նաև ընդգծել է, որ կրկնակի ագրեսիայի դեպքում Իրանը պատրաստ է վճռական հակահարված տալ թշնամուն, քանի որ կասկածում է իր պարտավորությունների, այդ թվում՝ հրադադարի պահպանման հարցում:
Գեներալ-մայոր Աբդուլրահիմ Մուսավին հեռախոսազրույց է ունեցել Սաուդյան Արաբիայի պաշտպանության նախարար Խալիդ բին Սալմանի հետ: Կողմերը քննարկել են իսրայելական ռեժիմի և ԱՄՆ-ի հետ 12-օրյա հակամարտությունը, ինչպես նաև տարածաշրջանային և երկկողմ հարցեր:
Զրույցի ընթացքում Մուսավին նշել է, որ Սիոնիստական ռեժիմի և ԱՄՆ-ի հարձակումն Իրանի տարածքի վրա տեղի է ունեցել, չնայած Իսլամական Հանրապետության զսպվածությանը և այն ժամանակ, երբ անուղղակի բանակցություններ էին ընթանում ԱՄՆ-ի հետ:
«Այս երկու վարչակարգերը ցույց տվեցին, որ չեն պահպանում միջազգային ոչ մի կանոն և նորմ, և դա ապացուցվեց աշխարհին 12-օրյա պարտադրված պատերազմի ընթացքում», - հայտարարել է նա:
Իրանի Իսլամական Հանրապետության զինված ուժերի գլխավոր շտաբի պետն ընդգծել է. «Մենք պատերազմի նախաձեռնողը չենք եղել, բայց ամբողջ ուժով պատասխանել ենք ագրեսորին: Մենք չենք եղել պատերազմի նախաձեռնողը»:
Սաուդյան Արաբիայի պաշտպանության նախարար Խալիդ բին Սալմանը հեռախոսազրույցի ընթացքում հայտարարել է, որ Սաուդյան Արաբիայի կառավարությունը չի սահմանափակվել ագրեսիայի դատապարտմամբ և զգալի ջանքեր է գործադրել պատերազմն ու ագրեսիան դադարեցնելու համար:
