Արդյունավետ օշարակ՝ ավելորդ քաշից ազատվելու և օրգանիզմի ընդհանուր վիճակը բարելավելու համար
ՖՈՏՈ
Շատերի համար ավելորդ քաշից ազատվելը կարող է լուրջ խնդիր լինել, քանի որ դիետաներն ու ֆիզիկական վարժությունները ոչ միշտ են արդյունավետ լինում: Սակայն գոյություն ունի մի հրաշալի օշարակ, որն արագացնում է նյութափոխանակությունն ու այրում ճարպերը: Այս օշարակի բոլոր բաղադրիչները նպաստում են քաշի նվազմանն ու շատ օգտակար են առողջության համար:
Օշարակի բաղադրիչներից մեկը սոխն է, որը ալկալիական մթերք է և ջրիկացնում է արյունը: Այն ոչ միայն մաքրում է օրգանիզմը տոքսիններից, այլև օգնում է ազատվել ավելորդ քաշից ու պաշտպանում է քաղցկեղից: Շնչառական խնդիրների դեպքում այն նաև շատ օգտակար է թոքերի դետոքսիկացիայի համար:
Այս օշարակի բաղադրության մեջ կա նաև դարչին, որը կարգավորում է օրգանիզմում գլյուկոզայի մակարդակը և պաշտպանում շաքարային դիաբետից: Բացի այդ, դարչինն օգնում է նվազեցնել ախորժակը և արագացնում է նյութափոխանակությունը՝ նպաստելով ավելորդ կիլոգրամներից ազատվելուն:
Մյուս բաղադրիչը կիտրոնն է, որը բարելավում է իմունային համակարգի աշխատանքը, օգնում է դուրս բերել տոքսինները, մաքրում է լյարդն ու բարելավում է ամբողջ օրգանիզմի աշխատանքը:
Շատ օգտակար է նաև կոճապղպեղը, որն օժտված է հակաբորբոքային, հակաբակտերիալ հատկություններով, պաշտպանում է քաղցկեղից, վերահսկում է օրգանիզմում վատ խոլեստերինի մակարդակը, բարելավում է արյան շրջանառությունն ու խթանում քաշի կորուստը:
Բաղադրությունը.
· 3 ճ.գ. բնական մեղր,
· 2 սմ կոճապղպեղի արմատ (քերիչով մանրացրած),
· 4 հատ կիտրոն,
· 2 թ.գ. աղացած ցեյլոնյան դարչին,
· 125 գրամ սոխ:
Պատրաստման եղանակը.
Հարկավոր է կոճապղպեղն ու սոխը լցնել կոտորակիչի մեջ, ավելացնել 4 կիտրոնից քամված հյութը, լավ խառնել մինչև ստացվի համասեռ զանգված, այնուհետև ավելացնել նաև մեղրն ու դարչինը և կրկին խառնել: Ստացված օշարակը հարկավոր է լցնել ապակյա տարրայի մեջ, փակել կափարիչը և դնել սառնարան:
Օշարակմ անհրաժեշտ է ընդունել օրական երկու անգամ մեկական թեյի գդալ: Այն կարելի է ընդունել առավոտյան դատարկ ստամոքսին կամ ճաշից առաջ և երեկոյան մարզումներից առաջ:
Առավել լավ արդյունքի հասնելու համար այս օշարակը հարկավոր է օգտագործել 30 օր: Սակայն հարկ է հիշել, որ այս միջոցը հակացուցված է շաքարային դիաբետի կամ արյան գերճնշման դեպքում:
