«Ռոսսելխոզնադզորը» հունիսի 27-ից կարող է արգելել հայկական բուսասանիտարական վկայականներով ծաղիկների ներմուծումը
ՔԱՂԱՔԱԿԱՆՈՒԹՅՈՒՆ
«Ռոսսելխոզնադզորը» հունիսի 27-ից կարող է ժամանակավորապես արգելք սահմանել հայկական բուսասանիտարական վկայականներով ծաղիկների ներմուծման վրա Ռուսաստանի Դաշնության և ԵԱՏՄ պահանջների մշտական խախտումների և նրա հարցումներին արձագանքի բացակայության պատճառով։
Ինչպես ստեղծված իրավիճակի մասին interfax.ru–ին հայտնել է «Ռոսսելխոզնադզորից ԵՏՄ-ին ուղղված նամակին ծանոթ աղբյուրը, ծառայությունը ստիպված կլինի սահմանափակել մատակարարումները՝ հայկական տեսչական մարմնի կողմից անհրաժեշտ արձագանքման միջոցառումների բացակայության, ինչպես նաև կտրված ծաղիկների և բողբոջների արտադրողների (ԵԱՏՄ TN VED կոդ 0603) վերաբերյալ տեղեկատվության բացակայության և հայկական արտադրանքը երրորդ երկրների արտադրանքից տարբերելու անկարողության պատճառով»։
Նրա խոսքով «Ռոսսելխոզնադզորը» մտահոգություն է հայտնել հայկական բուսասանիտարական վկայականներով կտրված ծաղիկների մատակարարման խախտումների աճող թվի վերաբերյալ, ինչպես նաև կասկածի տակ է դնում դրանցում նշված ծաղկային արտադրանքի ծագման մասին տեղեկատվության հավաստիությունը։ Ավելին, 2025 թվականին Հայաստանի բուսասանիտարական վկայականներով այդ ապրանքների, մասնավորապես կտրված ծաղիկների (ԵԱՏՄ TN VED կոդ 0603), հոսքը մեծացել է։ Բուսասանիտարական վերահսկողության ընթացքում ԵԱՏՄ երկրների համար կարանտինային օբյեկտ է՝ արևմտյան ծաղկի (կալիֆորնիական) տրիպս (Frankliniella occidentalis Perg.), հայտնաբերվել է 18 դեպքում: Ձեռնարկված միջոցառումների մասին տեղեկատվությունը դեռևս չի ներկայացվել «Ռոսսելխոզնադզոր»–ին։
Բացի այդ, աղբյուրը նշել է, որ այս տարի ավելի քան 13 միլիոն ծաղիկ չի ներկայացվել ծառայության պաշտոնյաներին կարանտինային բուսասանիտարական վերահսկողության համար: «Ռոսսելխոզնադզոր»–ը խնդրել է հայկական կողմից տրամադրել կտրված ծաղիկների և բողբոջների արտադրողների մասին տեղեկատվություն նշելով նրանց արտադրական հզորությունները և արտադրության հասցեներն ըստ ապրանքի տեսակի, սակայն մինչ օրս տեղեկատվություն չի ստացվել: «Ռոսսելխոզնադզոր»–ը նախկինում հայտնել էր հունիսի 16-ից երրորդ երկրներից Հայաստանի միջոցով ծաղիկների մատակարարումն արգելելու ծրագրերի մասին դրանցում կարանտինային օբյեկտների հայտնաբերման աճի պատճառով: Նրա տվյալների համաձայն 2025 թվականին Հայաստանից կտրված ծաղիկների ներմուծումը կտրուկ աճել է. հունիսի սկզբին 52 միլիոն հատ, ինչը 49.7 %-ով ավելի է, քան 2024 թվականի նույն ժամանակահատվածում, երբ ներմուծվել էր 34.7 միլիոն հատ։ Արդյունքում հայտնաբերվել են արևմտյան ծաղկային թրիպսներով վարակված ծաղիկներ։ Ստեղծված իրավիճակը քննարկվել է Հայաստանի Սննդամթերքի անվտանգության տեսչական մարմնի հետ։ Դրանց ընթացքում ռուսական ծառայությունը խնդրել է գործընկերներին աշխատել արտահանողների հետ, որպեսզի նրանք պարտավոր լինեն ապրանքները ներկայացնել ստուգման, ինչպես նաև կասեցնել բուսասանիտարական վկայականների տրամադրումն այն կազմակերպություններին, որոնք նախկինում չեն զբաղվել ծաղիկների արտահանմամբ և ներմուծմամբ, և մեծացնել արտաքին տնտեսական գործունեության մասնակիցների պատասխանատվությունը մատակարարվող արտադրանքի անվտանգության և որակի նկատմամբ։ «Եթե անհրաժեշտ արձագանքման միջոցառումներ չձեռնարկվեն և կարանտինային օբյեկտներ շարունակվեն հայտնաբերվել, «Ռոսսելխոզնադզոր»–ը ստիպված կլինի ներդնել լրացուցիչ բուսասանիտարական միջոցառումներ», - ասվում է ծառայության հայտարարության մեջ։
Նյութը հրապարակման պատրաստեց Կամո Խաչիկյանը
