Գինու արտադրությունը Հայաստանում նվազել է․ թվեր

Վարչապետ Փաշինյանը, ով ընտանիքի հետ միասին մասնակցել էր «Երևանի գինու օրերին», դրա ավարտին նա ներկայացրել էր փաստական տվյալներ, թե քանի մարդ է մասնակցել փառատոնին․

«Հունիսի 7-ին, ժամը 21.00-ին, Սարյան փողոցում «Երևանի գինու օրերին» ներկա է եղել շուրջ 12 հազար 300 մարդ»,- նշել էր նա։

Հիմա մի փոքր թվերով խոսենք, թե Հայաստանում որքան է կազմել գինու արտադրությունը․

2024 թվականը թեեւ խաղողագործների եւ գինեգործների համար վատ տարի չէր, բայց գինու արտադրությունը Հայաստանում նվազել էր 29%-ով։ Այս մասին տեղեկանում ենք ՀՀ վիճակագրական կոմիտեի հրապարակած տեղեկագրից, ըստ որի՝ 2023 թվականին Հայաստանում արտադրվել է շուրջ 10 մլն լիտր գինի։

Սննդամթերքի, խմիչքի և ծխախոտի արտադրության ծավալների մասին տվյալներն ուսումնասիրելիս 2025 թվականի հունվար-փետրվար ամիսներին ընդհանուր գինի արտադրվել է 845 600 լիտր, որից փրփրուն(շամպայն)՝ 124 600 լ, նվազել է 33,3 % նախորդ տարվա նույն ժամանակահատվածի համեմատ։

Ընդհանուր գինիներու արտադրությունը հունավր-մարտ ամիսներին հասել է 1 371 200 լիտրի, որից փրփրուն՝ 225 400 լ, ինչը համապատասխանում է 36,3 % նվազման (2024-ի համեմատ)։

Այս ամենի ֆոնին հպարտանալ փառատոնի մասնակիցների թվով այդքան էլ ճիշտ չէ, երբ տնտեսության այս ոլորտն աստիճանաբար անկում է ապրում, իսկ Վրաստանն արգելում է հայկական խմիչքների արտահանումը տարանցիկ երկրով։