Մխիթարյանը և Սպերցյանը CIES-ի վարկածով մրցաշրջանի ամենաազդեցիկ ֆուտբոլիստների շարքում են

CIES-ը (Սպորտային հետազոտությունների միջազգային կենտրոն) հրապարակել է 2024/25 մրցաշրջանի 300 ամենաազդեցիկ ֆուտբոլիստների վարկանիշային աղյուսակը։ Վարկանիշային աղյուսակում ընդգրկվել են նաև «Ինտերի» կիսապաշտպան Հենրիխ Մխիթարյանը և Հայաստանի ազգային հավաքականի , ինչպես նաև «Կրասնոդարի» կիսապաշտպան Էդուարդ Սպերցյանը։

Վարկանիշային աղյուսակը հիմնված է աշխարհի 60 լիգաների տվյալների վրա՝ յուրաքանչյուր դիրքում 50 լավագույն խաղացողներ։ Ուսումնասիրությունը հիմնված է ֆուտբոլային խաղի վեց հիմնական բաղադրիչների հիման վրա հաշվարկվող ինդեքսի վրա՝ օդային պայքար, պաշտպանություն, փոխանցումներ, դրիբլինգ, գոլային պահերի ստեղծում և գոլային պահերի եզրափակում։

Էդուարդ Սպերցյանը 80.1 ինդեքսով զբաղեցրեց 27-րդ տեղը ամենաազդեցիկ հարձակողական կիսապաշտպանների վարկանիշային աղյուսակում։ Հայ կիսապաշտպանը վարկանիշային աղյուսակում շրջանցել է Յուլիան Բրանդտին («Բորուսիա Դորտմունդ»), Միկել Մերինոյին («Արսենալ») և Դանի Օլմոյին («Բարսելոնա»):

Հարձակողական ոճի կիսապաշտպանների լավագույն եռյակը.

Ֆլորիան Վիրց («Բայեր Լևերկուզեն») - 93.6։

Քոուլ Պալմեր («Չելսի») - 92.4

Ջուդ Բելինգհեմ («Ռեալ Մադրիդ») -90.0

Հենրիխ Մխիթարյանը կենտրոնական կիսապաշտպանների շարքում զբաղեցրեց 11-րդ տեղը։ 36-ամյա կիսապաշտպանը ցույց տվեց նույն արդյունքը, ինչ իր թիմակից Նիկոլո Բարելան՝ 88.0 ինդեքս։

Կենտրոնական կիսապաշտպանների լավագույն եռյակը.

Պեդրի («Բարսելոնա») - 98.7։

Ջոշուա Կիմիխ («Բավարիա») – 96,2.

Գրանիտ Ջակա («Բայեր») - 94.1

Նշենք, որ մայիսի 31-ին Հենրիխ Մխիթարյանը «Ինտերի» հետ միասին իր կարիերայում երկրորդ անգամ կխաղա Չեմպիոնների լիգայի եզրափակչում։ ՊՍԺ - «Ինտեր» հանդիպումը կկայնա շաբաթ՝ մայիսի 31-ին, Երևանի ժամանակով 23։00-ին։