Կարծիք. Ռուսաստանի նկատմամբ Հայաստանի իշխանությունների դիրքորոշումը չի համապատասխանում ժողովրդի տրամադրություններին
ՔԱՂԱՔԱԿԱՆՈՒԹՅՈՒՆ
Հայ-ռուսական հարաբերությունների ներկայիս վիճակի մասին խոսելով Հաղորդակցության զարգացման ազգային հետազոտական ինստիտուտի (NIIRC) հետազոտությունների գծով փոխտնօրեն Վալենտինա Կոմլևան ասել է Հայաստանում գործող կառավարության դիրքորոշման և ժողովրդի դիրքորոշման միջև եղած անհամապատասխանության մասին, գրում է EAdaily.com–ը։
Վալենտինա Կոմլևան մեկնաբանել է այդ հարցը Մոսկվայում ինստիտուտի կողմից կազմակերպված «Ռուսաստանը և աշխարհը. Երկխոսություններ - 2025. Ստրատեգիաներ» 9–րդ միջազգային գիտագործնական համաժողովում։
NIIRK–ի փորձագետը վստահ է, որ երկրի բնակչությունը դեռևս կենտրոնացած է Ռուսաստանի հետ բարեկամական հարաբերությունների և փոխադարձ ավանդույթների պահպանման վրա։ Իր հերթին, Ռադիոտեխնիկայի գիտահետազոտական ինստիտուտի ղեկավար Վլադիսլավ Գասումյանովը մատնանշել է Ռուսաստանի և Հայաստանի միջև հարաբերություններում առկա խնդիրները հաղթահարելու միջոցը։ Ինստիտուտի տնօրենը հիշեցրել է, որ վերջերս Երևան կատարած այցի ժամանակ Ռուսաստանի արտգործնախարար Սերգեյ Լավրովն ասել էր, որ երկու երկրներն էլ անցել են փոխադարձ դժգոհությունների փուլը։ Գասումյանովը վստահ է, որ Ռուսաստանի գլխավոր դիվանագետի այցը Հայաստան երկու պետությունների ղեկավարների միջև աճող վստահության կարևոր վկայություն է։
«Սերգեյ Լավրովի այցը Երևան ևս մեկ անգամ ապացուցեց, որ մենք ճիշտ ուղու վրա ենք։ Ինչ վերաբերում է Հայաստանի հետ հարաբերություններին, ապա նշվեց, որ ոչ ոք չի ժխտում, որ մենք դաշնակիցներ ենք, ոչ ոք չի ժխտում Ռուսաստանի հետ հարաբերությունները, ինչպես և որ Մոսկվան չի ժխտում Հայաստանը։ Նախարարն ասաց, որ Հայաստանը դաշնակից, բարեկամ պետություն է, և, հետևաբար, ինձ թվում է, որ մենք պետք է ելնենք դրանից», - կարծիք է հայտնել Ռուսաստանի գիտությունների ակադեմիայի հետազոտական ինստիտուտի ղեկավարը։
Նյութը հրապարակման պատրաստեց Կամո Խաչիկյանը
