Վրաստանը դադարեցնում է վերաարտահանման բացումը Ռուսաստանի և Բելառուսի քաղաքացիների համար
ՄԻՋԱԶԳԱՅԻՆ
Վրաստանը դադարեցրել է արգելված ապրանքների, հատուկ սարքավորումների և մեքենաների վերաարտահանումը Ռուսաստանի և Բելառուսի քաղաքացիների համար, հաղորդել է «Նովոստի Օսեթիա»-ն, գրում է Eadaily.com–ը։
Հրատարակության համաձայն, վրացական լրատվամիջոցներում տեղեկատվություն հրապարակվելուց հետո, որ «Ռուսաստանը պատժամիջոցները շրջանցելու համար Վրաստանի միջոցով ստանում է արգելված արևմտյան շինարարական տեխնիկա` օգտագործելով երրորդ երկրների միջոցով տարանցումը, Վրաստանի կառավարությունը փակել է այդ բացը։
«Այսուհետ արգելված ապրանքների և տրանսպորտային միջոցների ներմուծման համար անհրաժեշտ կլինի վերարտահանման գրանցում Ղազախստանի կամ Ղրղզստանի քաղաքացու անունով։ Մեր տեղեկությունների համաձայն այդ որոշումը կայացվել է Վրաստանի ԱՄՆ-ի և ԵՄ-ի պատժամիջոցների տակ հայտնվելուց խուսափելու համար»,– — ասվում է հաղորդագրության մեջ։
Հիշեցնենք, որ վերջերս վրացական iFact հրատարակությունը հայտարարել էր, որ «Ռուսաստանը Վրաստանի միջոցով ապահովում է արևմտյան շինարարական սարքավորումների մատակարարումը»։
IFact-ը ուսումնասիրել է Volza, ImportGenius և ComtradePlus առևտրային հարթակների տվյալները, ինչպես նաև` Վրաստանի, Հայաստանի, Ուզբեկստանի և Ղրղզստանի վիճակագրությունը։ Հրատարակության տվյալներով՝ 2022 թվականից մինչև 2025 թվականի ապրիլը Վրաստանից Հայաստան, Ադրբեջան և Կենտրոնական Ասիայի երկրներ է արտահանվել 2403 միավոր ծանր տեխնիկա։ Դրանք պաշտոնապես Վրաստանից արտահանվում են երրորդ երկրներ, սակայն այնտեղ չեն հասնում, այլ հայտնվում են Ռուսաստան, պնդում են վրացի լրագրողները։
Նյութը հրապարակման պատրաստեց Կամո Խաչիկյանը
