Աննա Հակոբյանի սիրտը «Շամիրամ-2» է ուզում. խուճա՞պ, թե՞ հաշվարկ

«Տխմար, տգետ, անբարոյական, ոջիլ, անգրագետ, անդաստիարակ, ղզիկ, էշ, ․..»։ Սրանք որակավորումների ու պիտակավորումների այն փոքր թիվն է, որ վարչապետի տիկին Աննա Հակոբյանն արտանետում է իրեն և իր ամուսնուն քննադատողների հասցեին։ Վարչապետի տիկնոջ այս ակտիվությունը և նյարդային վիճակն, իհարկե, լուրջ մտորումների և քննարկումների տեղիք է տվել ոչ միայն ընդդիմության, հանրության, այլ նաև իշխանության շրջանում։ Ու գերլարված ու գերնյարդային այս պոռթկումներն ավելի շուտ ոչ թե խուճապի, այլ բավականին լուրջ հաշվարկի արդյունք են։

Ինքը՝ Աննա Հակոբյանը հրաշալի գիտի, որ իր անձնական վարկանիշը շատ ավելի ցածր է, քան նույնիսկ իր ամուսնու՝ Նիկոլ Փաշինյանի վարկանիշը։ Բոլոր սոցիալական հարցումներով, որոնք անցկացնում է իշխանության համար Ազգային անվտանգության ծառայությունը, Աննա Հակոբյանն ամենաբացասական ռեյտինգ ունեցող մարդկանցից մեկն է Հայաստանի Հանրապետությունում, ուստի և տարօրինակ է, թե ինչո՞ւ է Աննա Հակոբյանը փորձում այս կերպ ուշադրությունը շեղել իր վրա։ Տարատեսակ նախաձեռնություններով, «Կրթվելը նորաձև է» անհեթեթ ծրագրով հանրության մեջ իր նկատմամբ ատելության ավելացմամբ Փաշինյանի տիկինը փորձում է հանրությանը համոզել, որ կարող է լինել շատ ավելի վատ պերսոնաժ, քան սեփական ամուսինը։

Մյուս կողմից գործող իշխանության ներսից տեղեկություններ են ստեղծում, որ Աննա Հակոբյանը փորձ է անելու «սպոյլեր» կուսակցություն ձևավորել, որպեսզի առաջիկա ընտրություններում հանդես գա որպես առանձին ուժ, միգուցե նույնիսկ ոչ իր սեփական դեմքով։ Մասնավորապես, քննարկվում է 2 սցենար կամ ստեղծել կանանց մի կուսակցություն, ինչպես 1995 թ-ին ստեղծվել էր «Շամիրամ» կուսակցությունը, և մասնակցել ընտրություններին։ Կամ էլ նորաստեղծ կուսակցությամբ և «Քաղաքացիական պայմանագրի» հետ ձևավորել «Իրական Հայաստան» դաշինք և այդ կերպ մասնակցել ընտրություններին։ Փաստացի գործող իշխանությունները բավականին լուրջ հաշվարկներ են անում առնվազն հանրությունից ձայներ գողանալու, կրկին իշխանությանը տիրելո՛ւ համար, իսկ բոլոր այս պոռթկումներն ընդամենը լավ հաշվարկված քայլեր են։

Սյուզաննա Մուրադյան