Պատմաբան Օլեգ Հայրապետով. Հիտլերը Հովաննիսյանի նման հիմար չէր
ՔԱՂԱՔԱԿԱՆՈՒԹՅՈՒՆ
Ադոլֆ Հիտլերին կարելի է համարել ինչ ուզում եք՝ հանցագործ, չարագործ, ֆաշիստ, բայց նա ակնհայտորեն Արծրուն Հովհաննիսյանի նման հիմար չէր։ Այս մասին EAdaily.com-ին ասել է ռուս պատմաբան Օլեգ Հայրապետովը մեկնաբանելով ՀՀ ՊՆ ռազմական ակադեմիայի հրամանատարաշտաբային ինստիտուտի ղեկավար Արծրուն Հովհաննիսյանի հայտարարությունը։
Նա ընդգծել է, որ Հիտլերը երբեք չէր փոխանակի Ստալինգրադի ճակատամարտի ժամանակ ԽՍՀՄ սահմանին կենտրոնացած 1.5 միլիոնանոց թուրքական խմբավորումը 1.5 հազարանոց Հայկական լեգեոնի հետ, որը չէր կարող որևէ էական վնաս հասցնել Թուրքիային։
«Նացիստական Գերմանիայի դաշնակից Թուրքիայի մեծ ուժերը զսպելու համար խորհրդային ղեկավարությունը ստիպված էր հարավային թևում պահել խորհրդային զորքերի մեկ միլիոնանոց խումբ, - հիշեցրել է Հայրապետովը,- այն, ինչ հիմա ասում է Արծրուն Հովհաննիսյանը, ով երկրորդ ղարաբաղյան պատերազմի ժամանակ 44 օր շարունակ եթերը լցրել էր բացահայտ ստերով, չի կարելի անվանել այլ կերպ, քան դիվերսիա։ Նա վնասել է Հայաստանին այն ժամանակ, վնասում է նաև հիմա։ Նրա մոլորեցնող գաղափարները կարող են միայն նոր կորուստների հանգեցնել Հայաստանին։ Ակնհայտ է, որ Արծրուն Հովհաննիսյանը տառապում է «նժդուկիզմով»՝ երևանյան մտավորականության նեղ շերտին բնորոշ հիվանդություն, երբ ցանկալին ներկայացվում է որպես իրականություն, բայց գործնականում դա հանգեցնում է ազգային մասշտաբի աղետների։ Այստեղ Արծրուն Հովհաննիսյանը գործում է իր ղեկավարի՝ Նիկոլաշա-Նիդվորաշայի հետ համաձայնեցված, ով վերջերս մասնակցել է Մոսկվայում Հաղթանակի 80-ամյակի տոնակատարությանը, մինչդեռ նրա ենթակաները, ըստ էության, զբաղված էին նացիզմի վերականգնմամբ հայկական հողում»։
Հիշեցնենք, որ ավելի վաղ ՀՀ ՊՆ ռազմական ակադեմիայի հրամանատարաշտաբային ինստիտուտի ղեկավար Արծրուն Հովհաննիսյանը հայտարարել էր, որ Ադոլֆ Հիտլերը, գրավելով Կովկասը, հայերի հետ միասին կհարձակվեր Թուրքիայի վրա և «կվերադարձներ Հայաստանի պատմական հայրենիքը՝ Մեծ Հայքը», սակայն Ստալինգրադի ճակատամարտը խանգարեց դրան։
Նյութը հրապարակման պատրաստեց Կամո Խաչիկյանը
