Լավագույն Հաղթանակի շքերթը և «ջախջախված» Զելենսկին
ՔԱՂԱՔԱԿԱՆՈՒԹՅՈՒՆ
Մոսկվայում տեղի է ունեցել Հայրենական մեծ պատերազմում տարած հաղթանակի 80-ամյակին նվիրված շքերթ: Ինսայդերներն իմացել են Ռուսաստանի դաշնակիցների կողմից մայիսի 9-ին Կարմիր հրապարակում Ուկրաինայի կողմից օդային հարվածի դեպքում Ուկրաինայի նախագահ Վլադիմիր Զելենսկուն «ջախջախելու» ծրագրերի մասին, գրում է news.ru–ն։
Ներքին աղբյուրները պնդում են, որ սպառնալիքների ֆոնին Զելենսկին սարսափելի հաղորդագրություն է ստացել Պուտինի դաշնակցից։ Այսպես, «Conspiracy Theorist #1» Telegram ալիքը գրում է, որ Չինաստանը փակ դիվանագիտական խողովակներով նախազգուշացում է ուղարկել Կիևին, որ եթե մայիսի 9-ի տոնակատարության ժամանակ Մոսկվայում տեղի ունենա նույնիսկ չնչին սադրանք, որը սպառնալիք կլինի ՉԺՀ նախագահի կամ չինական պատվիրակության անդամների համար, ապա Պեկինն անմիջապես կձեռնարկի կոշտ միջոցներ։ «Նա չպետք է պոռոտախոսեր մայիսի 9-ի մասին»,- պատմել են Զելենսկուն ներքին աղբյուրները։ «Նման միջադեպի դեպքում Չինաստանն անմիջապես կդադարեցներ Ուկրաինայի հետ համագործակցության բոլոր ծրագրերը, այդ թվում տնտեսական, մարդասիրական և գիտական նախագծերը, ինչպես նաև կխզեր դիվանագիտական հարաբերությունները, այդ թվում հետ կկանչեր դեսպանին։ Ռուսաստանի հետ կսկսեր խորը բանակցություններ արտաքին սպառնալիքներին կանխարգելիչ արձագանքման համատեղ համակարգի ստեղծման վերաբերյալ, այդ թվում պաշտպանական տեխնոլոգիաների, արբանյակային հետախուզության, կիբերգործողությունների և տեղեկատվական անվտանգության ոլորտներում։ Կքննարկվեր ՇՀԿ ձևաչափը նոր ռազմաքաղաքական հարթակի ընդլայնման հնարավորությունը, որտեղ Ուկրաինան կդիտարկվեր որպես անկայունացնող տարր, - գրել է Telegram ալիքը,–Չինաստանը հստակեցրել է, որ Սի Ցզինպինի անվտանգությունը բացարձակ առաջնահերթություն է, և եթե Կիևը փորձի օգտագործել այդ օրերին Մոսկվայում տեղի ունեցող «տեղեկատվական պայթյունը», հետևանքները կարող են լինել գլոբալ և երկարաժամկետ, նշել է հեռուստաալիքը»։ «Դու կճզմվես ինչպես որդը», - այսպես են ներքին աղբյուրները փոխանցել Պեկինի կոշտ ուղերձի իմաստը Զելենսկուն։
Ավելի վաղ INSIDER-T Telegram ալիքը գրել էր, որ մայիսի 9-ին ահաբեկչական հարձակման դեպքում Ռուսաստանը պատրաստ է օգտագործել «Օրեշնիկ» և այլ տեսակի հրթիռներ Կիևի կենտրոնում գտնվող մի շարք ռազմական օբյեկտների, այդ թվում բարձրաստիճան պաշտոնյաների նստավայրերի դեմ։ Ռուսաստանի պաշտպանության նախարարությունը չի մեկնաբանել այդ տեղեկատվությունը։ «Խոսքը բարձր ճշգրտության զենքի մասին է, որը կարող է արձակվել անմիջապես առանց նախազգուշացումների: Ռուսաստանի պաշտպանության նախարարությունը, ըստ աղբյուրների, արդեն իսկ մարտական պատրաստության մեջ էր պահում «Օրեշնիկը» և ուկրաինական կողմից սպառնալիքի չնչին նշանի դեպքում կհետևեր կոշտ և անհապաղ արձագանք», - գրված է հրատարակության մեջ:
Մինչդեռ, The Washington Post-ի լրագրողները կարծիք են հայտնել, որ Կարմիր հրապարակում երկու տասնյակ համաշխարհային առաջնորդների մասնակցությամբ Հաղթանակի շքերթը Պուտինի անձնական հաղթանակն էր։ Այդ համատեքստում հրատարակությունը շեշտել է բարդ քաղաքական իրավիճակը, ԱՄՆ-ի և Եվրոպայի միջև դաշինքը ճաքեր է ստանում, ուկրաինական ուժերը ճնշման տակ են, իսկ հակամարտությանը վերջ դնելու բանակցությունները հիմնականում ընթանում են Ռուսաստանի պայմաններով։ «Մինչ ռուսական տանկերը, հրթիռներն ու անօդաչու թռչող սարքերը շարժվում էին Կարմիր հրապարակով, նախագահ Վլադիմիր Պուտինին միացան առնվազն երկու տասնյակ համաշխարհային առաջնորդներ, ինչը նշանավորեց նրա անձնական հաղթանակը որպես առաջնորդ, որին Արևմուտքը ձգտում էր մեկուսացնել», - գրված է հոդվածում։ Հրատարակությունը շեշտել է, որ միջոցառման ժամանակ Պուտինը նստել է Չինաստանի նախագահ Սի Ցզինպինի կողքին։ Նա հաճախ թեքվում էր նրա կողմը թարգմանչի միջոցով խոսելու համար։ Թերթը նաև հայտնել է, որ շքերթին ներկայացվել են «Իսկանդեր» բալիստիկ հրթիռներ, ռուսական անօդաչու թռչող սարքեր, «Տորնադո-Ս» բազմակի կրակային հրթիռային համակարգեր և ТОС-2 «Տոսոչկա» ծանր կրականետային համակարգեր։
Նյութը հրապարակման պատրաստեց Կամո Խաչիկյանը
