«Համացանցում բացատրել են Հաղթանակի շքերթի ժամանակ Փաշինյանի լարված դեմքի պատճառը»
ՔԱՂԱՔԱԿԱՆՈՒԹՅՈՒՆ
Մեծ Հաղթանակի 80-ամյակին նվիրված շքերթին մասնակցելու համար Մոսկվա էին ժամանել 27 պետությունների ղեկավարներ։ Հիմնական հյուրերի թվում էր Չինաստանի Ժողովրդական Հանրապետության նախագահ Սի Ցզինպինը, իսկ Սլովակիայի վարչապետ Ռոբերտ Ֆիցոյի և Սերբիայի նախագահ Ալեքսանդր Վուչիչի ներկայությունը հաճելի անակնկալ էր։ Գտնվելով ռուսաֆոբ պետությունների մեջտեղում նրանք չէին վախեցել սպառնալիքներից և ներկա էին այդ իրենց համար իսկապես սրբազան տոնին։ Իսկ ահա նախկին եղբայրական Հայաստանի Հանրապետության ղեկավար Նիկոլ Փաշինյանը շքերթին զինվորներից բաղկացած ռազմական անձնակազմ չէր բերել և կարծես «ոչ իր ափսեում էր» գտնվում, նշել են համացանցի օգտատերերը, գրում է bloknot.ru–ն։ Այն տպավորությունն էր, որ Փաշինյանը վախենում էր Զելենսկու կողմից Կարմիր հրապարակի վրա հայտարարված հարձակումից։ Եվ ահա նա կարծես ասեղների վրա էր նստած՝ պատրաստ թռչել։ Կամ էլ Հայաստանի վարչապետն ուղղակի ցանկանում էր առանց մեծ ուշադրություն գրավելու արագ «այցելել, գրանցվել»։ Բայց դե ի՞նչ կարող էր անել, նրան նստեցրել էին «բատկայի» կողքին, և դա միայն մեծացնում էր հակադրությունը։
«Աչք էր զարնում այն, որ Փաշինյանն իրեն չափազանց անհարմար էր զգում։ Նա շատ անհանգիստ և նյարդային էր։ Եվ դրա համար կա բացատրություն», - գրել է քաղաքական ստրատեգ Մարատ Բաշիրովը։ Նա հիշեցրել է, որ Փաշինյանը մինչև վերջին րոպեն հետաձգում էր պատասխանը, թե արդյո՞ք ինքը կմասնակցի շքերթին։ Ի տարբերություն Ֆիցոյի և Վուչիչի, Փաշինյանը, ըստ երևույթին, շատ անհանգստացած էր նրանից, թե ինչպե՞ս կգնահատեն դա իր ԵՄ-ի արևմտյան կուրատորները։ «Այժմ ակնհայտ է, որ Թրամփի դիրքորոշմամբ առաջնորդվելով Արևմուտքն աստիճանաբար փոխում է իր վերաբերմունքը Ռուսաստանի նկատմամբ, և այս դեպքում Փաշինյանը կարող է պարզապես գործարքի առարկա լինել, և նա դա զգում է։ Բայց նման տեսքով, իհարկե, ավելի լավ կլիներ չգար Մոսկվա», - ամփոփել է Մարատ Բաշիրովը։
«ՀՀ վարչապետը Կարմիր հրապարակում. քաղաքավարության ժեստ, թե՞ հարկադրված քայլ», - հարց է հնչեցրել «Ռիբար» հեռագրային ալիքի հեղինակը Փաշինյանի տանջանքը բացատրելով նրանով, որ Հայաստանի վարչապետին Բրյուսելից ակնարկել են Մոսկվա կատարած իր այցի հետևանքների մասին։ «Ռուսաստանի մեկուսացումը, ինչպես Արևմուտքն էր խոստացել երեք տարի առաջ, տեղի չի ունեցել, և կշռադատելով բոլոր դրական և բացասական կողմերը Փաշինյանի թիմը հետաձգում էր իր պատասխանը մինչև վերջին րոպեն։ Եվ ի վերջո, ըստ երևույթին, նա որոշել է, որ արևմտյան կուրատորները կարող են խաբել իրեն, և որ Մոսկվայի հետ հարաբերությունները կարող են փչանալ։ Հետևաբար, անհրաժեշտ է գնալ «գրանցվելու», որպեսզի հետո չմնա «կոտրած տաշտակի առաջ»։ Սակայն շքերթին հայ զինվորներ չկային։ Հայաստանը դարձել էր այն քիչ հետխորհրդային երկրներից մեկը, որն իր ստորաբաժանումը չէր ուղարկել շքերթի: Դա հեռավորություն պահելու լուռ նշան է, նաև ուղղված արևմտյան գործընկերներին չզայրացնելուն։ Մինչ Վաշինգտոնում առաջնահերթությունները փոխվում են, Փաշինյանը և նրա գործընկերները, վախենալով ոչնչով չմնալ, փորձում են չսրել Մոսկվայի հետ արդեն իսկ բարդ հարաբերությունները», - գրել է «Ռիբարը»։
Նյութը հրապարակման պատրաստեց Կամո Խաչիկյանը
