Երիտասարդը զրկվել է ատամներից ու ստացել այրվածքներ՝ էլեկտրոնային ծխախոտի պայթելու պատճառով (ֆոտո 16+)

Էլեկտրոնային ծխախոտը գնալով ավելի շատ տարածում է գտնում։ Այն համարվում է մոդայիկ, ինչպես նաև անվնաս, քանի որ ծխի փոխարեն մարդիկ ներշնչում են ուղղակի գոլորշի։ Սակայն, պարզվում է, որ էլեկտրոնային ծխախոտն այնքան էլ անվնաս չէ։

 

Այդահոյի բնակիչ, 30-ամյա Էնդրյու Հոլլին, ով 3 երեխաների հայր է, ևս տարվել էր էլեկտրոնային ծխախոտով։ Եվ ահա մի օր աշխատանքի գնալուց առաջ Էնդրյուն լոգասենյակում ծխել է իր էլեկտրոնային ծխախոտը, երբ տեղի է ունեցել պայթյուն՝ պայթել էր ծխախոտի մարտկոցը։ 

Տեղի ունեցածի հետևանքով Էնդրյուն զրկվել է 7 ատամներից ու ստացել է 2-րդ կարգի այրվածքներ, ինչպես նաև բազմաթիվ բեկորային վնասվածքներ։

 

Դժբախտաբար Էնդյուն միակը չէ, վնասվածքներ է ստացել էլեկտրոնային ծխախոտի պատճառով։ 2016թ․-ին ԱՄՆ-ում միայն գրանցվել է նմանատիպ 6 դեպք։ Էնդրյուն այժմ զգուշացնում է բոլորին, որ էլեկտրոնային ծխախոտը ևս վտանգավոր է։