Ստաս Նամինը ստացել է Հայաստանի քաղաքացիություն և այնտեղ բնակարան գնել ընտանեկան ողբերգությունից հետո
ՀԱՍԱՐԱԿՈՒԹՅՈՒՆ
«Flowers» կուլտային ռոք խմբի ստեղծող Ստաս Նամինը հպարտությամբ ասել է, որ ստացել է Հայաստանի քաղաքացիություն։ Երաժիշտն արդեն բնակարան է գնել այդ արևոտ երկրում և որոշ ժամանակ այնտեղ ապրելու ծրագիր ունի, գրում է tvc.ru–ն։
Երաժիշտը խոստովանել է, որ իրեն շատ է դուր գալիս Հայաստանը, ուստի երկար մտածել է այդ երկրի քաղաքացիություն ստանալու մասին և, ի վերջո, որոշել է դա անել։ Հայտնի չէ, թե Նամինը որ քաղաքում է բնակարան գնել, սակայն երաժիշտը նշել է, որ բնակարանը գրեթե պատրաստ է բնակության համար։ «Ես իսկական հայկական անձնագիր ստացա ընտանիքիս հետ միասին։ Մեզ այստեղ շատ է դուր գալիս։ Մենք հաճախ ենք գալիս Հայաստան, ես նույնիսկ բնակարան եմ գնել այստեղ և այժմ վերանորոգում եմ այն։ Ամենայն հավանականությամբ, մենք նաև կապրենք այստեղ», - ասել է Նամինը «Սպուտնիկ Արմենիային»։
Հիշեցնենք, որ 2023 թվականի հոկտեմբերին «Flowers» ռոք խմբի ստեղծողի ընտանիքում ողբերգություն էր տեղի ունեցել։ Նրա խորթ որդին՝ Ռոման Միկոյանը, հաշվեհարդար էր տեսել ռոք երգչի որդու և սկեսուրի նկատմամբ։ Արտեմ Միկոյանը և Պոլինա Տկաչենկոն սպանվել էին Մոսկվայի մարզի Իստրայի շրջանի Կրյուկովո գյուղի տնակում։ Տարեց կինը մահացել էր կրծքավանդակին ստացած դանակահարությունից, իսկ երիտասարդն ամբողջ մարմնով մեկ ստացած բազմաթիվ վերքերից։ Նամինի խորթ որդին ընդունել էր իր կողմից եղբոր և տատիկի սպանությունը։ Նա ինքն էր զանգահարել ոստիկանություն և խոստովանել ամեն ինչ։
Նյութը հրապարակման պատրաստեց Կամո Խաչիկյանը
