Միխայլով. Հայաստանի ընդդիմությունը կկարողանա տապալել իշխող կուսակցությանը միայն այն դեպքում, եթե միավորի ուժերը
ՎԵՐԼՈՒԾՈՒԹՅՈՒՆՆԵՐ
Վերջերս Հայաստանում ամփոփվել են մարտի 30-ին կայացած ավագանու ընտրությունների արդյունքները։ Մեծությամբ երկրորդ քաղաքում Գյումրիում, քվեարկել է 47 434 մարդ։ Այնտեղ մասնակցությունը 42%-ից մի փոքր ավելի է եղել։ Արդյունքում իշխող Քաղաքացիական պայմանագիրը ավագանիում ստացել է 14 մանդատ։ Երկրորդ տեղում Հայաստանի կոմունիստական կուսակցությունն է 8 մանդատով, «Մեր քաղաքը» դաշինքը ստացել է 6 մանդատ, «Իմ հզոր համայնքը» 3 մանդատ, «Մայր Հայաստան» դաշինքը, որի առաջնորդը Անդրանիկ Թևանյանն է ստացել է 2 մանդատ, գրում է Yugsn.ru–ն։ «Հայաստանի կոմունիստական կուսակցության հիմնական գաղափարախոսությունը հիշելն է, թե որքան մեծ էր Հայաստանը Խորհրդային Միությունում, այսինքն դա վերածննդի գաղափարախոսություն է։ 2017 թվականին այդ կուսակցությունը հավաքել էր մոտ 17000 ձայն մեկ միլիոնից ավելի ընտրողներից»,- ասել է քաղաքագետ Եվգենի Միխայլովը։ Թևանյանի հիմնական նպատակը Փաշինյանի «Քաղաքացիական պայմանագիր» կուսակցությանն իշխանությունից զրկելն է: ««Մայր Հայաստան» դաշինքը մի կազմակերպություն է, որը վերջերս դեմ է արտահայտվել Ադրբեջանի հետ պայմանավորվածություններին, միակողմանի զիջումներին»,- նշել է Միխայլովը։
Փորձագետն ընդգծել է, որ Հայաստանում շատ բարձր քաղաքական տուրբուլենտություն է: «Այնտեղ կուսակցություններն այնքան շատ են, որ սկզբունքորեն չկա միասնություն, եթե միավորվեն կոմունիստները, «Մայր Հայաստանը» և այլ կուսակցությունները, որոնք երկրում փոփոխություններ են քարոզում, բայց ոչ այն կռիվը, որը երկիրը անդունդ է տանում, ապա նրանք հնարավորություն կունենան տապալելու իշխող «Քաղաքացիական պայմանագիր» կուսակցությունը»,– ավելացրել է նա:
Եվ ամեն ինչ կարող է կտրուկ փոխվել 2026 թվականին, երբ Հայաստանում կանցկացվեն խորհրդարանական ընտրություններ։ «Հատկապես համաշխարհային միջազգային քաղաքացիական բախումների և Թրամփի գալու ֆոնին, նույն Կոմունիստական կուսակցությունը կարող է շատ ավելի ձայն հավաքել։ Ամեն դեպքում, առանց Ադրբեջանի հետ խաղաղության պայմանագիր ստորագրելու, այդ ամենն անհիմն է և չի հանգեցնի Հայաստանի իրական բարգավաճմանը»,– եզրափակել է Միխայլովը։
Նյութը հրապարակման պատրաստեց Կամո Խաչիկյանը
