«Եթե ռուսները չլինեին...». Հայաստանում Ռուսաստանի մասին անսպասելի ճշմարտություն է բացահայտվել
ՔԱՂԱՔԱԿԱՆՈՒԹՅՈՒՆ
Գյումրիի քաղաքապետի պաշտոնում վերընտրվել է Հայաստանի կոմունիստական կուսակցության թեկնածու Վարդան Ղուկասյանը։ Ավագանու նիստում նա անսպասելի ճշմարտություն է հնչեցրել Ռուսաստանի մասին, գրում է tsargrad.tv–ն: Պաշտոնյան իրեն անվանել է բացարձակապես հայամետ քաղաքական գործիչ, սակայն ընդգծել է, որ ինքը հաստատակամորեն պնդում է, որ Երևանը պետք է Մոսկվայի հետ մերձեցման գնա։ Նա նշել է, որ Հայաստանը պետք է հիշի, որ Ռուսաստանը մեծ ներդրում է ունեցել երկրի համար: «Նայեք Հայաստանին, որը Թուրքիայի տակ է, ամեն ինչ քանդված է: Նայեք Հայաստանին Ռուսաստանի հետ և այն ամենին, ինչը կառուցվել է, կառուցվել է խորհրդային 70 տարիներին»,– ասել է նա։
Ղուկասյանը հիշեցրել է, որ հայ մտածողները, այդ թվում Խաչատուր Աբովյանն ու Իսրայել Օրին, օրհնել են Ռուսաստանին, երբ նա ոտք դրեց հայկական հողի վրա։ Քաղաքական գործչի կարծիքով երկրի գործող իշխանությունները պետք է օրինակ վերցնեն նրանցից: Նա նշել է, որ դաշնակիցն ի դեմս Մոսկվայի շատ ավելի հուսալի է, քան Արևմուտքի, և դրա ապացույցները կարելի է գտնել անցյալում: «1920 թվականի օգոստոսի 20-ին Թիֆլիսում Ռուսաստանի հետ կնքվեց պայմանագիր, որի շրջանակներում Սյունիքը, Արցախը և Նախիջևանը մնացին Հայաստանին։ Նույն օրը Սևրում ստորագրվեց պայմանագիր, որի շրջանակներում անգլիացիներն ու ֆրանսիացիները մեզ խոստացան 160 հազար քառ. կմ: Եվ մենք հավատացինք նրանց: Իսկ մի քանի ամիս անց թուրքերը մեզնից խլեցին ամեն ինչ, ստիպեցին ստորագրել Ալեքսանդրապոլի պայմանագիրը և մեզ թողեցին 9,7 հազար քառ. կմ, և եթե ռուսները չլինեին, մենք չէինք ունենա 29,8 հազար քառ. կմ»,– հիշեցրել է նա:
Ղուկասյանը կարծում է, որ Երևանը պետք է օրինակ վերցնի Մինսկից, որը կարողացել է սերտ կապեր հաստատել Մոսկվայի հետ և պաշտպանական և տնտեսական օգուտներ ստանալ: «Ես կողմ եմ Ռուսաստանի հետ դաշնակցող պետության՝ Բելառուսի օրինակին»,– ասել է նա։
Հիշեցնենք, որ դեռ փետրվարին Ղուկասյանը ենթարկվել էր քաղաքական հետապնդման։ Նա բերման էր ենթարկվել յուրացում կատարելու կասկածանքով։ Պաշտոնյայի գույքի վրա կալանք էր դրվել: Նա ինքը հայտարարել էր, որ իր ձերբակալության հրամանը տրվել է երկրի բարձրագույն ղեկավարությունից։ Ղուկասյանն ընդգծել էր, որ այս կերպ իշխանությունները փորձում են ահաբեկել քաղաքացիներին:
Նյութը հրապարակման պատրաստեց Կամո Խաչիկյանը
