Նիկոլ Փաշինյանը անհանգստանալու մի շարք պատճառներ ունի. «Փաստ»

«Փաստ» օրաթերթը գրում է.

Ազգային ժողովում Նիկոլ Փաշինյանի վերջին «պարախառն» անկանոն շարժումները, ջղաձգումները, շատերի համոզմամբ, նույնիսկ իր տեսակի համար էին որոշակիորեն արտառոց: Ավելին, մեր դիվանագիտական աղբյուրները փոխանցում են, որ նրա այդ պահվածքը արտերկրում, ի մասնավորի՝ Ռուսաստանի նախագահի նստավայրում և ԱԳՆ-ում յուրահատուկ «մեմ» է դարձել:

Մեր ունեցած տեղեկություններով, Փաշինյանի այս աստիճանի ջղաձգման պատճառները մի քանիսն են, ընդ որում՝ խորքային: Բացի նրանից, որ նա հիանալի հասկանում է, որ ինքը ավարտված, սպառված ֆիգուր է թե՛ Արևմուտքի, թե՛ Ռուսաստանի համար, ինչի մասին իրեն հստակ ակնարկվել է, Փաշինյանը շատ լուրջ ցնցումների մեջ է հատկապես Գյումրու ընտրությունների արդյունքների և ավագանու առաջին նիստում առանց որևէ խնդրի քաղաքապետ ընտրելու պատճառով: Բոլորի համար փաստացի ակնհայտ է, որ Նիկոլ Փաշինյանի հիմնական, եթե չասենք՝ միակ քարոզչական զենքը՝ «նախկիններ», «թալանչիներ», «Ռուսաստան» և այլն, այլևս չեն աշխատում, իսկ ժողովրդի մեծամասնությունը պարզապես զզված է ՔՊ-ի իշխանությունից:

Մյուս կողմից՝ մեր տեղեկություններով, Փաշինյանն օրերս ստացել է ամերիկացիների կողմից անցկացված սոցհարցման «փակ տվյալներ», որոնց արդյունքները սարսափելի մտահոգիչ են նրա համար: Պարզվում է, որ եթե մինչև Գյումրու և Փարաքարի ընտրություններն անցկացված հարցումներով նրա վարկանիշը տատանվում էր 11-12 տոկոսի սահմաններում, ապա հիմա այն կազմում է մոտ 9 տոկոս:

Մանրամասները՝ «Փաստ» օրաթերթի այսօրվա համարում