Հայաստանը կբարելավի «Ֆինանսական հիգիենան» կրիպտո միասնական կանոններով, թույլ կտա բանկերին առաջարկել Bitcoin ծառայություններ
ՏՆՏԵՍՈՒԹՅՈՒՆ
Հայաստանի իշխանությունները հուսով են, որ կկարողանան կարգավորել հարաբերությունները կրիպտո տարածքում, կներդնեն «ֆինանսական հիգիենա» կապված ընկերությունների սեփականության և կապիտալի հետ և թույլ կտան ավանդական ֆինանսական հաստատություններին մատուցել կրիպտո-առնչվող ծառայություններ, քանի որ նրանք արդեն հետաքրքրություն են ցուցաբերել դրա նկատմամբ:
Հայաստանի կառավարությունը ցանկանում է միատեսակ կանոններ մտցնել կրիպտո ակտիվների համար, հաղորդում են տեղական ԶԼՄ-ները վկայակոչելով Հայաստանի կենտրոնական բանկի (ԿԲ)՝ երկրի գլխավոր ֆինանսական կարգավորող մարմնի փոխնախագահ Արմեն Նուրբեկյանին, cryptopolitan.com–ը։
Նուրբեկյանը մասնակցել է կրիպտոարժույթով գործարքների կարգավորմանն ուղղված օրենքների նախագծերի փաթեթի և գործող օրենսդրական փոփոխությունների փաթեթի Հայաստանի Ազգային ժողովում տեղի ունեցած քննարկումներին։
Այդ ոլորտում ներկայիս գործող կանոնները սահմանափակվում են կրիպտոփոխանակման գրասենյակների համար պահանջներ սահմանելու կանոններով, նշել է Կենտրոնական բանկի ղեկավարը։
Նոր կանոնները կընդգրկեն կրիպտո-բիզնեսով զբաղվող կազմակերպությունների ավելի լայն շրջանակ, ընդգծել է ԿԲ ներկայացուցիչը: Նա նաև ընդգծել է, որ առաջիկա կանոնները չեն վերաբերելու կրիպտոարժույթների տեխնոլոգիական կողմին, այլ կենտրոնանալու են միայն ֆինանսական ասպեկտների վրա։
Հետագայում Հայաստանում կրիպտո ակտիվներ թողարկող և առևտուր անող ընկերություններից կպահանջվի բացահայտել իրենց սեփականատերերի մասին տեղեկությունները և բավարարել նվազագույն կապիտալի պահանջները։ Թվային մետաղադրամների թողարկման ընթացակարգերը կպարզեցվեն, և Հայաստանի կարգավորիչները կարծում են, որ դա իսկապես կօգնի խուսափել մի շարք ռիսկերից։ «Բացի այդ, Հայաստանում կներդրվի «ֆինանսական հիգիենայի» մեխանիզմ»,– նշել է նա։
Հայաստանի արժութային իշխանությունը համոզված է, որ այս մոտեցումն էապես կնվազեցնի երկրում փողերի լվացման հետ կապված ռիսկերը։ «Միատեսակ կանոններով հայկական բանկերը, որոնք վաղուց հետաքրքրված են այս ոլորտով, կարող են պաշտոնապես առաջարկել նաև կրիպտոարժույթի ծառայություններ»,- պնդել է Արմեն Նուրբեկանը։
Օրենսդրական նախաձեռնությունը հավանության է արժանացել խորհրդարանական հանձնաժողովի կողմից և կուղարկվի Հայաստանի օրենսդիր մարմին հետագա քննարկման և ընդունման համար։ Նման կերպ Հայաստանը կրիպտոարժույթները կարգավորելու առաջին փորձն է անում:
Հայաստանը, որը մոտ 3 միլիոն բնակչություն ունի և գտնվում է Հարավային Կովկասում, միայն վերջերս է սկսել կարգավորել իր կրիպտո արդյունաբերությունը։ Փետրվարի վերջին հայտարարելով օրենսդրական ջանքերի մասին ֆինանսների նախարար Վահե Հովհաննիսյանը կարևորել է այդ ոլորտում աճող ակտիվության և հնարավորությունների հետ կապված ռիսկերը։ Հովհաննիսյանն ընդգծել է, որ կառավարության հիմնական նպատակն է լինելու պաշտպանել թվային ակտիվների սեփականատերերի և հաճախորդների իրավունքներն ու օրինական շահերը հայկական կրիպտո շուկայում միաժամանակ ապահովելով դրա արդար և թափանցիկ գործունեությունը։
Նա հավելել է, որ առաջարկվող օրինագծերը նաև նպատակ ունի նվազեցնելու համակարգային ռիսկերը երկրի ֆինանսական կայունության համար, որոնք բխում են Հայաստանում կրիպտոարժույթների շրջանառության շարունակական աճից, և նշել է, որ փոփոխությունները թույլ կտան ԿԲ-ին մանրամասն տեղեկատվություն ստանալ կրիպտո գործունեության մասին։
«Սա կրիպտոարժույթների ոլորտը կարգավորելու մեր առաջին փորձն է, սա շատ կարևոր քայլ է, որը պետք է արվի համարձակ և վճռական, և մենք պետք է շարունակենք մեր աշխատանքն այդ ուղղությամբ»,- կառավարության նիստի ժամանակ նշել էր վարչապետ Նիկոլ Փաշինյանը խոստովանելով, որ օրենսդրությունը կատարյալ չէ։ «Ուշացել ենք, բայց լավ է ուշ, քան երբեք»,- եզրափակել էր Փաշինյանը։
Նյութը հրապարակման պատրաստեց Կամո Խաչիկյանը
