Քաղաքագետ Խալաթյան. Մոլդովայի փորձը հայ փորձագետներին ստիպել է մեկ անգամ ևս մտածել ԵՄ-ի օգուտների մասին
ՔԱՂԱՔԱԿԱՆՈՒԹՅՈՒՆ
Եվրամիության (ԵՄ) հետ Մոլդովայի համագործակցության փորձը ստիպել է Հայաստանի փորձագիտական հանրությանը մեկ անգամ ևս մտածել եվրաինտեգրման առավելությունների մասին։ Այս մասին «Ռոսիա 24» հեռուստաալիքին տված հարցազրույցում ասել է Երևանի Ռազմավարական հետազոտությունների և նախաձեռնությունների վերլուծական կենտրոնի ղեկավար Հայկ Խալաթյանը, գրում է smotrim.ru–ն։ Խալաթյանը մեկնաբանել է 2024 թվականի հոկտեմբերին Մոլդովայում ԵՄ-ին երկրի անդամակցության հանրաքվեի արդյունքները։ Նրա խոսքով, միանալու օգտին 50,69 տոկոս արդյունքը ձեռք է բերվել միայն արտերկրում մոլդովական սփյուռքի ներկայացուցիչների ձայների շնորհիվ։ Միաժամանակ, վարչական սահմանափակումներով չեզոքացվել են Ռուսաստանում և Բելառուսում բնակվող մոլդովացիների ձայները։
«Փաստորեն, ԵՄ-ի հետ երկար ժամանակ ակտիվ համագործակցող երկրի բնակիչները դեմ են քվեարկել անդամակցությանը: Դա շատ հարցեր է առաջացրել հայ հասարակության մեջ: Հայկական փորձագիտական հանրությունը հարց է ուղղվել առ այն, թե իրականում ի՞նչ է տալիս եվրաինտեգրումը, ի՞նչ օգուտ է տալիս, եթե այդ ճանապարհով գնացող երկրի մարդիկ իրենք դա չեն զգացել և իրականում բոլորովին այլ ընտրություն են կատարել»,– ասել է նա:
Հիշեցնենք, որ ապրիլի 4-ին Հայաստանի նախագահ Վահագն Խաչատուրյանը հավանություն է տվել օրենքին, որը հաստատում է Եվրոպական միությանը միանալու Երևանի մտադրությունը՝ չնայած ԵՄ-ից հրավեր չունենալուն։
Նյութը հրապարակման պատրաստեց Կամո Խաչիկյանը
