Դեպի Հայաստան տուրերի վաճառքն աճում է, սակայն ավիատոմսերը թանկացել են 20%-ով
ՀԱՍԱՐԱԿՈՒԹՅՈՒՆ
Դեպի Հայաստան շրջագայությունների վաճառքի ծավալները գերազանցում են նախորդ տարվա ցուցանիշները, սակայն արդյունքները կարող էին ավելի լավ լինել, կարծում են շուկայի մասնակիցները։ Նրանք աճի մեծ ներուժ են տեսնում, սակայն նշում են, որ տուրիստական հոսքը մեծապես կախված է ավիատոմսերի արժեքից: Թռիչքները մեկ տարում թանկացել են 20%-ով, իսկ հյուրանոցները 15%-ով։ Այդ տվյալները բխում են Profi.travel-ի թղթակցի կողմից ապրիլի 9-ին անցկացված տուրօպերատորների հարցումից:
Առաջիկա մայիսյան տոներին դեպի Հայաստան շրջագայությունների պահանջարկը նախորդ տարվա նույն ժամանակահատվածի համեմատ զգալիորեն աճել է։ Այս մասին հայտնել է Fun&Sun ընկերության մամուլի ծառայությունը։ «Պահանջարկի աճի նախադրյալների թվում կարելի է առանձնացնել տուրերի բազմազանությունը (գաստրոնոմիական, տեսարժան վայրեր, պատմական և այլն), որոնք վաճառվում են համեմատաբար ցածր գներով։ Միևնույն ժամանակ, Հայաստանում լեզվական խոչընդոտ չկա, մուտքը հնարավոր է ռուսական անձնագրով»,- հայտարարել են տուրօպերատորի ներկայացուցիչները։
Միջին հաշվով զբոսաշրջիկները Հայաստան են մեկնում հինգ օրով, իսկ ամրագրման խորությունը երկու ամիս է, նշել են ընկերությունից։ Նրանք հավելել են, որ մայիսի սկզբին մեկնման ամսաթվերով փաթեթային տուրի միջին հաշիվը հասնում է 65 հազար ռուբլու մեկ անձի հաշվով, և այդ ցուցանիշը մեկ տարվա ընթացքում աճել է 10%-ով:
Շուկայի մասնակիցները նշում են, որ Հայաստան ժամանող զբոսաշրջիկները հիմնականում կազմակերպված էքսկուրսիոն տուրեր են գնում տուրօպերատորների միջոցով։ «Նման ծառայության վաճառքի աճը պետք է ակնկալել ապրիլի կեսերին. չկա տրանսպորտի պակաս, հյուրանոցային համարների հետ կապված խնդիրներ չկան, ուստի Հայաստանը, ինչպես և Վրաստանը, հաճախ վաճառքի խորություն չի ցուցաբերում», - նշել են Space Travel-ի մամուլի ծառայությունում մատնանշելով 2024 թվականի մայիսյան տոների համեմատ վաճառքների նկատելի աճ։
«Այս սեզոնին մենք զգալիորեն ընդլայնել ենք մեր առաջարկը և արդեն նկատում ենք մոտ 70% աճ, ավելանում են էքսկուրսիոն տուրերի ամրագրումները։ Ծախսը միջին հաշվով 500 դոլար է երկուսի համար՝ առանց թռիչքի։ Դեպքերի ճնշող մեծամասնությամբ կացության համար ընտրվում են 4* և 5* հյուրանոցներ Երևանի կենտրոնում», - ասել են ընկերությունում։
Իր հերթին, զբոսաշրջության այլ ներկայացուցիչներ, այդ թվում OTA-ն, խոսում են այդ ուղղությամբ վաճառքի շատ ավելի համեստ աճի մասին։ Այսպես, ըստ Sletat.ru-ի, 2025 թվականի մայիսյան տոներին ժամանումներով դեպի Հայաստան շրջագայությունների պահանջարկը հատուկենտ դիմումների մակարդակում է, չնայած մեկ տարի առաջ ընդհանրապես դիմումներ չեն գրանցվել։ «Վաճառքի դինամիկան փոքր է՝ տարեկան աճը մոտ 7%, իսկ արտասահմանյան ուղղություններն աճում են միջինը 18%։ Այս ցածր աճը պայմանավորված է մի քանի գործոններով, այդ թվում ավիատոմսերի ընդհանուր թանկացմամբ: Հայաստան կարելի է հասնել միայն օդային ճանապարհով, դա ճանապարհորդների ավելի քան 85%-ի ընտրած տարբերակն է, և զբոսաշրջային հոսքը մեծապես կախված է թռիչքի արժեքից»,- պարզաբանել է Pink Elephant տուրիստական գործակալությունների ցանցի գլխավոր տնօրեն Ալեքսան Մկրտչյանը։
Նրա խոսքով, դեպի Երևան ավիատոմսերը թանկացել են, չնայած ռուբլու ամրապնդմանը, մոտ 20%-ով, հյուրանոցները 15%-ով։ «Հայաստանում առաջին հերթին պահանջված են էքսկուրսիոն ծրագրերն, երկիրը ծովափնյա չէ, լողալու տեղ չկա, հետևաբար շատ է հետ մնում հարևան Վրաստանից: Ամենահայտնի վայրերից են Սևանա լիճը, Գառնի գյուղը, Խոր Վիրապ վանքը և Գեղարդի վանական համալիրը։ Հայաստանի գլխավոր մագնիսներից են, իհարկե, գաստրոնոմիական տուրերը։ Ես աշխարհում նման երկրորդ երկիր չգիտեմ որտեղ, իսկ ես այցելել եմ ավելի քան 55 երկիր, կարելի է փորձել, օրինակ, խեցգետնից պատրաստված լուլա–քյաբաբ: Դա կարելի է ուտել միայն Հայաստանում, այլ տեղ չկա: Ընդհանուր առմամբ Հայաստանից սպասելիքները շատ են, իհարկե, վաճառքներն աճում են, բայց ոչ մեր ուզած ձևով»,- եզրափակել է նա։
Նյութը հրապարակման պատրաստեց Կամո Խաչիկյանը
