Ի՞նչ է ժամանակին կանխատեսել Ժիրինովսկին Նիկոլ Փաշինյանի առումով. «Փաստ»

«Փաստ» օրաթերթը գրում է.

tsargrad.tv–ն ««Փաշինյանը կփախչի Ամերիկա կամ Թուրքիա». Ժիրինովսկին Հայաստանում իշխանափոխություն է կանխատեսել» վերնագրով հոդվածում գրում է, որ 2022 թվականի ապրիլի 6-ին մահացավ Մերձավոր Արևել քի հիանալի փորձագետ և հայտնի քաղաքական գործիչ Վլադիմիր Ժիրինովսկին՝ իրենից հետո թողնելով բազմաթիվ կանխատեսումներ, որոնք իրականանում են սարսափելի ճշգրտությամբ։

Նա խոսել էր Ուկրաինայի ճակատագրի և արևմտյան կուրատորների դերի մասին դեռ անցյալ դարի 90-ականների վերջին։ «Նրանք ուղղակի վախենում են... ուղղակիորեն Ռուսաստանի վրա չեն գնա, այլ կճնշեն նրան Ուկրաինայի, Բելառուսի, Բալթյան և Կովկասյան երկրների միջոցով», - ասել էր Վլադիմիր Ժիրինովսկին դեռ 1999 թվականին, և նրա խոսքերն իրականություն դարձան: 1998 թվականին էլ նա ասել էր, որ Ուկրաինան չի ընդունվի ո՛չ Ռուսաստան, ո՛չ ՆԱՏՕ, որքան էլ ձգտեն հասնել դրան։ Ինչ վերաբերում է Հատուկ ռազմական գործողության արդյունքներին, ապա Ուկրաինայից ոչինչ չի մնա, բոլոր շրջանները, բացառությամբ վեց արևմտյան շրջանի, որոնց մայրաքաղաքը Լվովն է, կանցնեն Ռուսաստանի դրոշի տակ, իսկ մնացածը կանցնի Լեհաստանի վերահսկողության տակ։

Վլադիմիր Ժիրինովսկին լավ քաջատեղյակ էր քաղաքական ինտրիգներին Մերձավոր Արևելքում։ Ընդ որում, նրա կանխատեսումները երբեմն իսկապես սարսափեցնող են: Ահա նրա կանխատեսումը 2030 թվականի Իրանի համար, որը շատ նման է այսօրվա իրադարձություններին: «Իրանն ինքը կարող է կործանվել այդ ժամանակ: Հակաիրանական ուժերը կփորձեն նրա փոխարեն ստեղծել առանձին իրանական Ադրբեջան, Պարսկաստան, Թուրքմենստան և Բելուջիստան: Երկրի բաժանման արդյունքում կհայտնվեն մեծ թվով փախստականներ, որոնք կուղղվեն հյուսիս՝ Կովկաս և Թուրքմենստան»,– ասել էր քաղաքական գործիչը։ Հիմա, երբ Դոնալդ Թրամփը խոստացել է «մինչև 2025 թվականի սեպտեմբերը ջնջել Իրանը աշխարհի երեսից», այդ մարգարեությունը դառնում է չարագուշակ:

Թուրքիան, ըստ Ժիրինովսկու, կկորցնի իր պետականությունը, բայց դրանից քչերը կշահեն։ «ԱՄՆ-ի աջակցությամբ՝ թուրք, սիրիացի, իրանցի և իրաքցի քրդերի հիման վրա և մոտ 40 միլ իոն բնակչությամբ, կստեղծվի նոր Քրդստան պետություն՝ Դիարբեքիր մայրաքաղաքով: Դրանով կսկսվի Թուրքիայի մասնատումը: Այնուհետև Եվրոպան կօգնի Հայաստանին՝ վերադարձնել արևմտյան հայկական հողերը, որոնք դեռ Թուրքիայի մաս են կազմում, Հունաստանը կազատի Կիպրոսը և կպահանջի Իզմիրը, Բուլղարիան կփորձի վերադարձնել Ֆրակիան»,– նման կանխատեսում էր հրապարակվել ЛДПР հեռագրային ալիքում։

Հայաստանն ինքը կբախվի ցնցումների։ 2021 թվականին Վլադիմիր Ժիրինովսկին ասել էր, որ Հայաստանի ներկայիս ղեկավարը երկար չի նստի իր տեղում։ «Թուրքերը Փաշինյանին նստեցրին Երևանում պատերազմ հրահրելու համար։ Բայց փոփոխությունն անխուսափելի է, իսկ ինքը կփախչի։ Ու նա թաքնվելու է ինչ-որ տեղ ամերիկյան դեսպանատանը։ Անգամ գուցե նույն Թուրքիայում»,- կանխատեսել է նա։

Մանրամասները՝ «Փաստ» օրաթերթի այսօրվա համարում