Մահացել է Ռոմա Բաղդասարյանը
ՀԱՍԱՐԱԿՈՒԹՅՈՒՆ
Արցախցի լրագրող Լուսինե Զաքարյանը ֆեյսբուքյան իր էջում կիսվել է գրառմամբ ու գրել. «Կյանքից անժամանակ հեռացել է Արցախի քաջ մարտիկներից մեկը` Ռազվեդկին Ռոման (այսպես էինք ասում)։
Ցավակցում եմ մեր հետախույզի մահվան առիթով, համբերություն հարազատներին:
Արարատ (Ռոմա) Բաղդասարյանն ունի մարտական մեծ փորձ և զինվորական հարուստ ուղի, նա հետախույզ էր։
Եղել է Մարտակերտում տեղակայված զորամիավորման հետախուզական վաշտի հրամանատարը։
Նա մասնակցել է բոլոր պատերազմներին ու հրաշքով ողջ մնացել։
Քաջ զինվորականը Հայրենիքի նվիրյալներից էր, ու կյանքից հեռացավ Արցախի կարոտը սրտում…
Երկնքում նա միացավ իր մարտական ընկերներին»:
«Գյուլաթաղ» ֆեյսբուքյան էջն էլ գրում է, որ լեգենդար հետախույզը մահացել է 2025 թվականի ապրիլի 7-ին: Նա Մարտական Խաչ 1-ին աստիճանի շքանշանակիր էր, Արցախյան բոլոր պատերազմների մասնակից:
