Երկու բանակի գոյությունը ԵՄ-ում և ՆԱՏՕ-ում անհնար է․ Կալլաս

Եվրոպական միության արտաքին գործերի և անվտանգության քաղաքականության գերագույն ներկայացուցիչ Քաջա Կալլասը թերահավատություն է հայտնել Իսպանիայի առաջարկած «եվրոպական բանակ» ստեղծելու գաղափարին։ Այս մասին նա ասել է իսպանական El Mundo թերթին տված հարցազրույցում։

Նա ասել է, որ ԵՄ-ին անհրաժեշտ է 27 բանակ, որպեսզի իսկապես միասին աշխատեն և համատեղելի լինեն, երբ խոսքը վերաբերում է հնարավորություններին կամ զինամթերքին:

Դիվանագետը նաև նշել է, որ ԵՄ յուրաքանչյուր երկիր ունի իր ռազմական պլանավորումը և պաշտպանական բյուջեն, և, հետևաբար, անհնար է մի բանակ ունենալ ՆԱՏՕ-ում և մեկ այլ բանակ՝ Եվրոպայում։ Կալլասը կարծում է, որ դա վտանգավոր կլինի, քանի որ ռազմական ճգնաժամի դեպքում անհասկանալի կլինի, թե ով ում է հրաման տալիս։