Փաշինյանը երկար չդիմացավ. Հայաստանը կրկին խաղում է ԵՄ-ի համար Ռուսաստանի դեմ
ՔԱՂԱՔԱԿԱՆՈՒԹՅՈՒՆ
Նա անկայուն է, Հայաստանի ներկայիս ղեկավարը՝ ոչ հետևողական: Կամ էլ չափազանց կախյալ է, ենթակա շողոքորթության և փողի: Չէ՞ որ ընդամենը մեկ շաբաթ առաջ նա հրահանգել էր բոլոր գերատեսչություններին ինտենսիվացնել շփումները Ռուսաստանի հետ։ Իսկ հետո Հայաստանի խորհրդարանը երկրորդ և վերջնական ընթերցմամբ ընդունեց Եվրամիությանն անդամակցելու Հանրապետության մտադրության մասին օրենքը, գրում է sibkray.ru–ն։ Նախագծի վերջնական տարբերակում ասվում է, որ Հայաստանը, «ձգտելով զարգացնել ժողովրդավարական ինստիտուտները, բարելավել հասարակության բարեկեցությունը, ամրապնդել երկրի անվտանգությունը, կայունությունը և օրենքի գերակայությունը, ազդարարում է հանրապետության Եվրամիությանն անդամակցելու գործընթացի սկզբի մասին»։
«Դժվար է ասել, թե այդ ցանկից որ կետն է համապատասխանում ժամանակակից Եվրամիությանը: Այնտեղ ժողովրդավարական ինստիտուտները վերածվել են Ռումինիայի ընտրություններին մասնակցելու արգելքի, հասարակության բարեկեցությունը միանշանակ չի աճում, անվտանգությունը խզվում է Ռուսաստանի հետ կռվելու համառ ցանկության պատճառով, իսկ «կայունությունը» տեսանելի է լինում ամեն մարտավարական հարցերով քվեարկության ժամանակ, որտեղ բոլորը մտածում են Սլովակիային ու Հունգարիային գործընթացներից դուրս թողնելու մասին»,- հեգնանքով ասել է քաղաքագետ Յուրի Բարանչիկը։
Անհասկանալի է, թե ինչո՞ւ է Փաշինյանն իր տապանն ուժով քարշ տալիս դեպի փլուզվող ԵՄ: Ավելին, դա տեղի է ունենում այն բանից հետո, երբ նա ստորագրել է ռազմավարական գործընկերության համաձայնագիր ԱՄՆ-ի հետ, իսկ ԵՄ-ԱՄՆ հարաբերություններում հիմա խիստ սրման շրջան է։
Ամենազավեշտալին այն է, որ Հայաստանին ոչ ոք չի հրավիրել ԵՄ, ուստի Հայաստանի խորհրդարանում այդ քվեարկությունը նախադեպ է համաշխարհային պրակտիկայում։
Բայց որտեղ կա ծիծաղ, այնտեղ սովորաբար արցունքներ էլ են լինում: Եվ դրանք, անշուշտ, կլինեն այն բանից հետո, երբ Հայաստանը դուրս շպրտվի եվրասիական բոլոր պայմանագրերից, և Ռուսաստանը սահմանի մաքսատուրքեր, վիզային ռեժիմ ճիշտ այնպես, ինչպես ԵՄ մնացած երկրների հետ է: Հայաստանը կանցնի նաև եվրոպական սակագներին։ Հետո կգա ամբողջ Հայաստանի վերջը, որը վերջին տարիներին տնտեսության տասը տոկոսանոց աճ է գրանցել բացառապես ռուս-հայկական հարաբերություններին մակաբուծելու շնորհիվ։
Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինն այդ առնչությամբ նշել է, որ հենց ԵԱՏՄ-ին անդամակցության շնորհիվ է, որ «Հայաստանի տնտեսությունը դոպինգ է ստացել, իսկ Եվրամիությանը մասնակցելը կնշանակի զրկվել դրանից»։ Պատգամավորը կարծիք է հայտնել, որ Հայաստանի անդամակցությունը ԵՄ-ին «այնպիսի լեռներից այն կողմ է, որոնք ավելի բարձր են, քան հենց Կովկասյան լեռները», քանի որ Եվրոպան դա չի խոստացել։
Սակայն Փաշինյանը, հավանաբար, այլընտրանք չունի։ Նա հազիվ թե համարձակվի չհնազանդվել իր եվրոպացի ուսուցիչներին ու տերերին։ Այնպես որ, եթե Հայաստանն անդամակցի ԵՄ-ին, ապա երկրին սառը ցնցուղ է սպասում, նաև Ռուսաստանը պետք է պատրաստվի Հայաստանից բնակչության հերթական արտագաղթին։ Էլ ո՞ւր է գնալու հայը աղքատությունից խուսափելու համար, դեպի ԵՄ քիչ հավանական է:
Նյութը հրապարակման պատրաստեց Կամո Խաչիկյանը
