Օդի ջերմաստիճանը կբարձրանա 8-10 աստիճանով

Մարտի 23-ին Հայաստանի առանձին շրջաններում սպասվում են տեղումներ, լեռնային շրջաններում (հատկապես գիշերը)` ձյան տեսքով, հայտնել է է Հիդրոօդերևութաբանության և մոնիտորինգի կենտրոնը։

«Մարտի 24-27-ին սպասվում է առանց տեղումների եղանակ։ Քամին՝ հարավարևմտյան՝ 2-5մ/վ: Օդի ջերմաստիճանը մարտի 24-27-ին ցերեկային ժամերին կբարձրանա 8-10 աստիճանով»,– ասված է հաղորդագրությունում։

Երևանում մարտի 23-ի գիշերը սպասվում է անձրև, հնարավոր է ամպրոպ։ Մարտի 23-ի ցերեկը, 24-27-ին սպասվում է առանց տեղումների եղանակ։