Մոսկվայում կբացվի Հայաստանի էլիտար նորակառույցների առաջին ցուցահանդեսը Ռուսաստանում
ՔԱՂԱՔԱԿԱՆՈՒԹՅՈՒՆ
Մոսկվայում տեղի կունենա էլիտար անշարժ գույքի ցուցահանդես-վաճառք, որը տեղի կունենա Ararat Park Hyatt Moscow հյուրանոցում։ Սա կլինի առաջին նման միջոցառումը Ռուսաստանում, հայտնել է Invest Armenia կայքը, գրում է otr-online.ru–ն։
Ցուցահանդեսին կհատկացվի երկու օր՝ ապրիլի 12, 13, կներկայացվեն Հայաստանի լավագույն նորակառույցները: Այդ երկրում բնակարան ձեռք բերելու ցանկություն ունեցողներին խոստանում են բացառիկ առաջարկներ առաջատար կառուցապատողներից: Միջոցառման հյուրերին կառաջարկվեն հատուկ պայմաններ և զեղչեր, նշել է «Arka News Agency» գործակալությունը։ Ռուսաստանի քաղաքացիներին առաջարկվելու են նաև հիփոթեքային վարկեր՝ նվազեցված տոկոսադրույքներով։
Միջոցառմանը հնարավոր կլինի տեսնել նախագծեր Հայաստանի առողջարանային քաղաքներից, այդ թվում ապարտ-հյուրանոցներից: Այդ տարբերակը, բացի հարմարավետ ապրելուց, լրացուցիչ եկամուտի հնարավորություն է տալիս։ Բացի այդ, ցուցահանդեսը հարթակ կդառնա միջազգային բրենդների համար, որոնք նոր են սկսում իրենց զարգացման բիզնեսը Հայաստանում։ Հյուրերին կներկայացվեն տարբեր երկրներում հաստատված հյուրանոցային օպերատորների կողմից կառավարվող պրեմիում բնակելի համալիրներ և հյուրանոցներ:
Ցուցահանդեսի հիմնական նպատակն է խթանել բնակարանների վաճառքը և բարձրացնել հայկական անշարժ գույքի շուկայի մասին տեղեկացվածությունն աշխարհում, կազմակերպիչները մտադիր են նպաստել դրա ներդրումային գրավչությանը և ամրապնդել գործարար կապերը ռուս և հայ գործարարների միջև։ Այդ մասին ասել է «Հայաստանի բիզնես գործընկերներ» ընկերության նախագահ Վրույր Փենեսյանը:
Հիշեցնենք, որ ավելի վաղ Մոսկվայի մարզում բացվել էր ամենամեծ զբոսաշրջային ցուցահանդեսը, որտեղ իրենց արտադրանքն էին ներկայացրել Օմանի և Իրաքի ընկերությունները։ Միջոցառումը տեղի էր ունեցել Crocus Expo-ում։
Նյութը հրապարակման պատրաստեց Կամո Խաչիկյանը
