Ինչի՞ հաշվին է Հայաստանը դարձել առաջատար ծաղիկ մատակարարողներից մեկը Ռուսաստանի համար. «Փաստ»

«Փաստ» օրաթերթը գրում է.

Պարզվում է՝ 2024 թվականին Հայաստանը եղել է ծաղիկների հիմնական մատակարարներից մեկը Ռուսաստանի համար։ ՌԴ ծաղիկների ներկրման 85 %-ը բաժին է ընկել երեք երկրի՝ Նիդեռլանդներին, Հայաստանին և Բելառուսին։ Այս մասին հայտնում է «ՌԻԱ Նովոստին»՝ վկայակոչելով Ազգային վիճակագրական ծառայությունների, ինչպես նաև Ծաղկաբույծների ազգային ասոցիացիայի տվյալները և BusinessStat ընկերության գնահատականը։

Ներմուծված կտրած ծաղիկների ավելի քան 70 %-ը եղել է Նիդեռլանդներից (321,5 մլն դոլար): Այս ցանկում Հայաստանը երկրորդն է՝ 32,1 մլն դոլարի չափով ծաղիկների մատակարարմամբ (7,1 %): Այնուհետ հաջորդում են Բելառուսը՝ 28 միլիոն դոլար (6,2 %), Էկվադորը` 27,1 մլն դոլար (6 %), Լատվիան՝ 10,7 մլն (2,4 %), Կոլումբիան ՝ 8,2 մլն (1,8 %), Ղազախստանը՝ 7,7 մլն (1,7 %), Չինաստանը՝ 4,7 մլն (1 %) և Լիտվան՝ 4,2 մլն (0,9 %):

«Փաստ» թերթի տեղեկություններով, այս տարի արդեն Հայաստանից Ռուսաստան արտահանվող ծաղիկների քանակը կրկնապատկվել է. պատճառը «Սպայկա» ընկերության կողմից աննախադեպ ծավալի կակաչի արտահանումն է ՌԴ: Ավելին, մեր ունեցած տեղեկություններով, կապված այն հանգամանքի հետ, որ նույն «Սպայկան» այս տարի շոշափելիորեն ավելացնելու է ծաղիկների արտադրության քանակը, 2025 թվականին Հայաստանը զգալիորեն կմեծացնի դեպի Ռուսաստան ծաղիկների արտահանման ծավալները՝ էապես բարելավելով նաև արտահանման տոկոսային հարաբերակցությունը:

Մանրամասները՝ «Փաստ» օրաթերթի այսօրվա համարում