Տղամարդը փորձել է Հայաստան հասցնել 3 ճամպրուկ արծաթյա զարդ. նա ձերբակալվել է «Շերեմետյեվո»-ում
ԻՐԱՎՈՒՆՔ
Օտարերկրացին երեք ճամպրուկով փորձել է ապօրինի կերպով Հայաստան արտահանել 10,5 հազար կտոր արծաթյա զարդ, սակայն «Շերեմետևո» օդանավակայանի մաքսավորները կանգնեցրել են նրան, հայտնում է ՌԴ Դաշնային մաքսային ծառայության մամուլի ծառայությունը։
Նշվում է, որ Չինաստանից Մոսկվա թռչող 50–ամյա օտարերկրացին փորձել է 2 մլն ռուբլի արժողությամբ զարդեր արտահանել Երևան։
Ուղևորի երեք ճամպրուկնում հայտնաբերվել է 273 փաթեթ ոսկերչական իր, որոնցում եղել է մոտ 10,5 հազար կտոր, բոլորը՝ 925 հարգ արծաթից։ Տղամարդը մաքսավորներին ասել է, որ Երևանում վաճառվող ապրանք է տեղափոխում։
«Ռազմավարական նշանակության ապրանքների մաքսանենգության փաստով հարուցվել է քրեական գործ, քաղաքացուն սպառնում է ազատազրկում մինչև հինգ տարի ժամկետով կամ մինչև մեկ միլիոն ռուբլի տուգանք», - հավելել են մամուլի ծառայությունից։
