Թրամփի եւ Զելենսկու «աղետալի» հանդիպումը ցնցել է հանրապետական «բազեներին». Axios
ՔԱՂԱՔԱԿԱՆՈՒԹՅՈՒՆ
Օվալաձև աշխատասենյակում ԱՄՆ նախագահ Դոնալդ Թրամփի բուռն հանդիպումը Ուկրաինայի նախագահ Վլադիմիր Զելենսկու հետ ցնցել է հանրապետականօրենսդիր «բազեներին» եւ ստիպել հանրապետական կուսակցությունից Ուկրաինայի նշանավոր աջակիցներից մեկին առաջարկել Զելենսկուն հրաժարական տալ, գրել է Axios-ը։
Հանդիպումը զայրացրել է դեմոկրատներին, որոնք սարսափած էին Թրամփի եւ փոխնախագահ Վենսի պահվածքից։ Սա վիրավորել է որոշ հանրապետականների, բայց մեծ մասը զայրույթը վերապահել է Զելենսկու համար:
«Նա կամ պետք է հրաժարական տա, կամ փոխվի»,- լրագրողներին ասել է սենատոր Լինդսի Գրեհեմը:
«Զելենսկին գործնականում անհնար է դարձրել ամերիկացիներին համոզելը, որ ինքը լավ ներդրում է»,- ավելացրել է նա:
Մյուս հանրապետականները կիսել են իրենց մտահոգությունը հանդիպման երկարաժամկետ հետեւանքների վերաբերյալ։ Կոնգրեսական Դոն Բեկոնը (հանրապետական Նեբրասկայի նահանգից) ուրբաթն անվանել է «վատ օր ամերիկյան արտաքին քաղաքականության համար» Axios-ին ուղղված տեղեկությունում:
«Ուկրաինան ցանկանում է անկախություն, ազատ շուկաներ եւ օրենքի գերակայություն։ Նա ցանկանում է լինել Արեւմուտքի մի մասը: Ռուսաստանն ատում է մեզ եւ մեր արեւմտյան արժեքները։ Մենք պետք է հստակ հասկացնենք, որ մենք պաշտպանում ենք ազատությունը»,- ասել է նա:
Կոնգրեսի ներկայացուցիչ Մայք Լոուլերը (Նյու Յորքի նահանգ) հանդիպումն անվանել է «աղետ, հատկապես Ուկրաինայի համար», X սոցիալական ցանցում կատարած գրառման մեջ:
«Ցավոք, այսօր միակ հաղթողը Վլադիմիր Պուտինն է»,- ավելացրել է նա։
Հանրապետական կուսակցության ամենասուր քննադատությունն ուղղված էր Զելենսկուն, մինչդեռ ոմանք պնդում էին, որ հանդիպումը երկու երկրների համար էլ պարտվողական էր:
«Ես չգիտեմ, թե արդյոք Զելենսկին երբեւէ կկարողանա հասնել նրան, ինչ ցանկանում եք Միացյալ Նահանգների հետ կապված։ Կա՛մ նա կտրուկ կփոխվի, կա՛մ պետք է նոր մարդ գտնել»,- ասել է Գրեհեմը Fox News հեռուստաալիքի հարցազրույցում։
Նա Զելենսկուն անվանել է «սրտի հետ կապված խնդիրներ» ունեցող մադր: «Ես չգիտեմ, արդյոք դուք կարող եք հետ բերել այն վնասը, որը հասցվել է: Չգիտեմ՝ դուք երբեւէ կկարողանա՞ք գործարք կնքել Զելենսկու հետ»,- ավելացրել է նա՝ կոչ անելով Զելենսկուն ներողություն խնդրել։
Մյուս կողմից, դեմոկրատները գրեթե միաձայն դատապարտել են Թրամփի եւ ԱՄՆ փոխնախագահ Ջեյ ԴիՎենսի պահվածքը։
«Թրամփն ու Վենսը կատարում են Պուտինի փոխարեն կեղտոտ աշխատանքը»,- ասել է Սենատի փոքրամասնության առաջնորդ Չաք Շումերը X սոցիալական ցանցում: «Սենատի դեմոկրատները երբեք չեն դադարի պայքարել հանուն ազատության եւ ժողովրդավարության»:
Հիշեցնենք, որ երեկ բանակցությունների ընթացքում ԱՄՆ եւ Ուկրաինայի նախագահները սկսել են բարձրաձայն խոսել։ Թրամփը Զելենսկուն մեղադրել է երախտամոռության մեջ։ Վեճին միացել է նաեւ ԱՄՆ փոխնախագահը։
Ավելի ուշ Թրամփը հայտնել է, որ Զելենսկին պատրաստ չէ խաղաղության։
Որոշ ժամանակ անց Թրամփ-Զելենսկի մամուլի ասուլիսը չեղարկվել է, իսկ հանքանյութերի գործարքը՝ հետաձգվել։
Ավելի ուշ ԱՄՆ պետքարտուղար Մարկո Ռուբիոն հարցազրույց է տվել CNN-ին, որի ժամանակ հայտնել է, որ Ուկրաինայի նախագահը պետք է ներողություն խնդրի ԱՄՆ նախագահից։ Միաժամանակ, Ուկրաինայի նախագահը Fox News-ի հարցազրույցում ասել է, որ հարկ չի համարում ներողություն խնդրել Դոնալդ Թրամփից։
