Արմեն Սարգսյանի uպանության գործով ՀՀ 2 քաղաքացի է բերման ենթարկվել․ ինչ է հայտնի
ՄԻՋԱԶԳԱՅԻՆ
Մոսկվայի «Ալիյե Պարուսա» համալիրում տեղի ունեցած պայթյունի և «ԱրԲատ» գումարտակի հիմնադիր Արմեն Սարգսյանի սպանության գործով հետաքննության շրջանակներում Հայաստանի 2 քաղաքացի է բերման ենթարկվել։ Ինչպես RT-ին հայտնել է ամբաստանյալներից մեկի եղբայրը, մոտ երկու շաբաթ առաջ բերման են ենթարկվել 44-ամյա Արման Պ.-ն և 61-ամյա Հրաչյա Պ.-ն։
Ծնվել և մեծացել են Վաղարշապատում։ Նրանցից մեկը միջազգային դասի պարող է, իսկ մյուսը վարսավիր է աշխատել Խիմկիում։
«Մենք հստակ չգիտենք, թե ինչու են եղբորս բերման ենթարկել. Մեզ հաջողվեց կապ հաստատել նրա հետ, նա ասաց, որ իրեն կասկածում են Մոսկվայում տեղի ունեցած պայթյունի համար։ Նա փաստաբան չունի»,- RT-ին ասել Արմանի եղբայրը։
Մոսկվայի էլիտար բնակելի համալիրում պայթյունը տեղի է ունեցել փետրվարի 3-ի առավոտյան։ Արդյունքում վիրավորվել էր 5 մարդ, այդ թվում՝ բնիկ Գորլովկայից (Լուգանսկ), Դոնեցկի բռնցքամարտի ֆեդերացիայի ղեկավար և «ԱրԲատ» գումարտակի հիմնադիր Արմեն Սարգսյանը։ Ստացած վնասվածքներից նա մահացել էր հիվանդանոցում։
RT-ի՝ հետաքննությանը մոտ կանգնած աղբյուրը հայտնել է, որ պայթյունի վայրում հայտնաբերվել է ենթադրյալ ահաբեկչի մարմինը, որին ամրացված է եղել պայթուցիկը։ Նախնական զննության ժամանակ մասնագետները պարզել են, որ տղամարդը 45 տարեկան է, կարճ մուգ մազերով, շագանակագույն աչքերով և ընդգծված քթով։ Նրա տարբերակիչ հատկանիշներից մեկը ձախ սրունքին թրի տեսքով գունատ դաջվածքն է եղել։
Հարուցվել է քրեական գործ՝ «Երկու և ավելի անձանց սպանության փորձ», «Ընդհանուր առմամբ վտանգավոր եղանակով սպանություն» և «Զենքի ապօրինի շրջանառություն» հոդվածներով։
