Հայաստանի քաղաքացիություն նախկին ԽՍՀՄ երկրների քաղաքացիների համար
ՔԱՂԱՔԱԿԱՆՈՒԹՅՈՒՆ
Վերջին տարիներին Հայաստանը դարձել է ավելի ու ավելի գրավիչ տարբերակ նախկին ԽՍՀՄ երկրների քաղաքացիների համար, ովքեր նոր հնարավորություններ են փնտրում տեղափոխվելու և քաղաքացիություն ստանալու համար, գրում է km.ru-ն։
Գործընթացի պարզությունը, մատչելի պայմաններն ու առավելությունները, որ տալիս է հայկական անձնագիրը, այդ երկիրը դարձնում են հատկապես հետաքրքիր միգրանտների համար։ Անդրադառնանք նրան, թե ինչո՞ւ է նախկին ԽՍՀՄ երկրների քաղաքացիներին ձեռնտու Հայաստանի քաղաքացիություն ստանալը և ի՞նչ հեռանկարներ է դա բացում։
Նախկին ԽՍՀՄ երկրների քաղաքացիների հիմնական առավելություններից է Հայաստանի քաղաքացիություն ստանալու պարզեցված ընթացակարգը։ Հայաստանը, պահպանելով պատմամշակութային սերտ կապեր այդ երկրների հետ, նրանց մարդկանց համար ապահովում է արտոնություններ և հատուկ պայմաններ։ Եթե դիմողը հայկական արմատներ ունի, ապա քաղաքացիություն ստանալու գործընթացը դառնում է ավելի հեշտ և արագ, քանի որ Հայաստանի օրենսդրությունը հատուկ պայմաններ է նախատեսում հայրենադարձների և նրանց ժառանգների համար։
Արտոնյալ պայմաններ են տրամադրվում նաև հայկական արմատներ չունեցող քաղաքացիների համար, եթե նրանք ունեն Հայաստանում երկարատև բնակության կամ աշխատանքի փորձ։ Այդ մոտեցումը Հայաստանը գրավիչ է դարձնում Ռուսաստանի, Բելառուսի, Ուկրաինայի, Վրաստանի և ԽՍՀՄ կազմում գտնվող այլ պետությունների քաղաքացիների համար։
Հայաստանի քաղաքացիություն ստանալը տալիս է բազմաթիվ առավելություններ, այդ թվում.
-Տեղաշարժի ազատություն: Հայաստանի անձնագրով բացվում է առանց վիզայի կամ պարզեցված վիզային ռեժիմ աշխարհի ավելի քան 60 երկրների, այդ թվում Ռուսաստանի, Վրաստանի, Իրանի և այլ երկրների հետ: Դա հայկական անձնագիրն օգտակար է դարձնում այն մարդկանց համար, ովքեր հաճախ են ճանապարհորդում կամ բիզնես են անում այդ երկրներում:
-Աշխատելու և բիզնեսով զբաղվելու իրավունք: Հայաստանի քաղաքացիությունը թույլ է տալիս ազատորեն աշխատել և զբաղվել ձեռնարկատիրական գործունեությամբ այդ երկրում, ինչը լավ հնարավորություններ է ստեղծում միգրանտների համար, ովքեր ցանկանում են Հայաստանում սկսել իրենց բիզնեսը կամ աշխատանք գտնել:
-Սոցիալական և բժշկական ծառայությունների հասանելիություն: Հայաստանի անձնագիր ունեցողներն իրավունք ունեն ստանալու պետական սոցիալական երաշխիքներ և ծառայություններ, ինչը զգալիորեն բարելավում է կյանքի որակը և ապահովում լրացուցիչ կայունություն և պաշտպանություն:
Նախկին ԽՍՀՄ երկրների քաղաքացիների համար, ովքեր կարող են ապացուցել իրենց հայկական ծագումը, գործում է հայրենադարձության ծրագիր։ Դա պարզեցված ընթացակարգ է, որը թույլ է տալիս ստանալ Հայաստանի քաղաքացիություն ապահովելով նվազագույն պահանջները և դա կարճ ժամկետներում։ Հայրենադարձներն իրավունք ունեն ստանալ քաղաքացիություն 6-12 ամսվա ընթացքում, ինչպես նաև պետական աջակցություն ինտեգրման գործընթացում։ Այդ հնարավորությունը հատկապես կարևոր է նրանց համար, ովքեր ցանկանում են վերամիավորվել հարազատների հետ, գտնել իրենց արմատները և վերադառնալ Հայաստան ստանալով բոլոր իրավունքներն ու հնարավորությունները, որոնք տալիս է ՀՀ քաղաքացիությունը։
Հայաստանը, լինելով քաղաքականապես և սոցիալապես կայուն պետություն, իր քաղաքացիներին ապահովում է ապահով կենսապայմաններով։ Նախկին ԽՍՀՄ որոշ երկրներում տնտեսական և քաղաքական անորոշության պայմաններում Հայաստանի քաղաքացիությունը դառնում է կյանքի որակը բարելավելու և ձեր սիրելիների ապագան ապահովելու հուսալի միջոց։ Նախկին ԽՍՀՄ երկրների ՏՏ, ֆինանսների, գյուղատնտեսության կամ այլ պահանջարկ ունեցող ոլորտների փորձ ունեցող քաղաքացիների համար Հայաստանի քաղաքացիությունը կարող է կայուն և բարեկամական միջավայրում հաջող կարիերա կառուցելու ուղի հանդիսանալ:
Նյութը հրապարակման պատրաստեց Կամո Խաչիկյանը
