Ֆրանսիայում վախենում են Պուտինի և Թրամփի «աներևակայելի» միությունից. BFMTV
ՔԱՂԱՔԱԿԱՆՈՒԹՅՈՒՆ
Ֆրանսիայի վարչապետ Ֆրանսուա Բայրուն մտահոգություն է հայտնել նախագահներ Վլադիմիր Պուտինի և Դոնալդ Թրամփի «աներևակայելի» դաշինքի կապակցությամբ և մատնանշել զուգահեռներ ներկայիս ժամանակաշրջանի և 1930-ականների միջև։ Այս մասին գրում է BFMTV-ն։
Ինչպես նշվում է հոդվածում, Բայրուն, ասել է, որ Ելիսեյան պալատում նախօրեին կայացած եվրոպացի առաջնորդների հանդիպումը «չօգնեց նվազեցնելու մտահոգությունները», և, նրա կարծիքով, ընթացիկ իրադարձությունները զուգահեռներ են առաջացնում անցյալ դարի երեսունականների հետ, քանի որ «1945 թվականից ի վեր առաջին անգամ պատերազմը կարող էր գալ Եվրոպա»:
«Դուք կարող եք տեսնել Պուտինի և Թրամփի միջև աներևակայելի դաշինք, որը մարգինալացնում է Եվրոպան»,- ասել է Բայրուն։
