Կիևը մտադիր է ԱՄՀ-ից 2,7 մլրդ դոլար ստանալ

Ուկրաինան ծրագրում է Արժույթի միջազգային հիմնադրամից (ԱՄՀ) ստանալ 2,7 մլրդ դոլար՝ Ընդլայնված ֆինանսավորման (EFF) ծրագրի շրջանակներում։ Այս մասին հայտնել է երկրի ֆինանսների նախարարությունը։

«2025 թվականին նախատեսվում է ԱՄՀ-ից ներգրավել 2,7 միլիարդ դոլար՝ հիմնվելով չորս եռամսյակային վերանայումների արդյունքների վրա»,- ասվում է Սաուդյան Արաբիայում Ֆինանսների նախարար Սերխի Մարչենկոյի և Ազգային բանկի ղեկավար Անդրեյ Պիշնիի հետ հիմնադրամի գործադիր տնօրեն Քրիստալինա Գեորգիևայի հանդիպման արդյունքներով։

Ֆինանսների նախարարությունն ընդգծել է, որ ծրագիրը պահանջում է որոշակի պայմանների կատարում։ Աուդիտի ընթացքում հիմնադրամի փորձագետները կգնահատեն Կիևի համապատասխանությունը տնտեսական և ֆինանսական քաղաքականության վերաբերյալ հուշագրի պայմաններին, մասնավորապես բյուջեի կատարմանը, միջազգային պահուստների վիճակին և բարեփոխումների իրականացմանը:

Հատուկ ռազմական գործողության սկզբից Կիևը բազմիցս տրանշներ է ստացել հիմնադրամից։ «Ուկրաինան ԱՄՀ-ից ստացել է ավելի քան 12,4 միլիարդ դոլար»,- հավելել են նախարարությունից։