Պետք է հրապարակավ գժտվել
ՔԱՂԱՔԱԿԱՆՈՒԹՅՈՒՆ
Ադրբեջանը սկսել է Ռուսաստանի դեմ հայց ներկայացնել միջազգային դատարան Ղազախստանի Ակտաու քաղաքում «Ադրբեջանական ավիաուղիներ»-ի (AZAL) ինքնաթիռի կործանման գործով, հայտնում է ադրբեջանական APA գործակալությունը։ APA-ի կայքում «Ռուսաստանը ցանկանում է ստեղծել երկրորդ «մալայզիական Բոինգ»» վերնագրով հոդված է հրապարակվել։ Դրանում ասվում է, որ Ադրբեջանը «նախապատրաստական աշխատանքներ է իրականացնում միջազգային դատարան դիմելու համար» կապված Բաքվից Գրոզնի թռչող AZAL-ի Embraer 190 ինքնաթիռի կործանման հետ։ «Ձևավորվում է ապացույցների բազա, հավաքվում են փաստեր և ապացույցներ»,- ասվում է հրապարակման մեջ։ Գործակալությունը Մոսկվային մեղադրել է «հետաքննությունը շեղելու և անձնակազմի վրա մեղքը բարդելու» փորձի մեջ։ Դա «խորը ափսոսանք» է առաջացնում ադրբեջանական կողմի մոտ, նշվում է տեքստում։
Մեկնաբանելով APA-ի հրապարակումը, Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը rtvi.com-ին ասել է, որ Մոսկվան նախկինում «ամենաբարձր մակարդակով» ներողություն էր խնդրել Բաքվից , սակայն «Ադրբեջանին դա չի բավարարում»։ «Եթե այդ ինքնաթիռն իսկապես մեր կողմից է խոցվել, իհարկե, մենք պետք է ամեն ինչ անենք զոհվածների ընտանիքներին օգնելու համար»,- հավելել է պատգամավորը։
Ադրբեջանը, ըստ Զատուլինի, «պետք է հրապարակայնորեն գժտվի մեզ հետ այդ հարցի շուրջ»։ «Նա (Ադրբեջանը) նման եզրակացությունն է անում մեր իրավիճակից։ Նրան թվում է, թե ինքն այժմ այնքան է ուժեղացել, որ իր ամբիցիաներն այնքան են ինքնարագացել, որ կարող է արդեն անտեսել Ռուսաստանին: Նրանք այլևս չեն կարող ձեռնպահ մնալ հաշիվները մաքրելուց»,- նշել է նա։
Քննարկելով ադրբեջանական կողմի նման պահվածքի պատճառները Զատուլինը հիշեցրել է, որ հունվարին Բաքվում դատավարություն է սկսվել Լեռնային Ղարաբաղի առաջնորդների նկատմամբ, որոնք ձերբակալվել էին այն ժամանակ, երբ ռուս խաղաղապահներն էին գտնվում այդ չճանաչված հանրապետությունում։ Պատգամավորի խոսքով խոսքը «սուիցիդի» մասին է: «Մենք պատասխանատվություն կրու՞մ ենք դրա համար։ Ինձ թվում է՝ միանշանակ բարոյական պատասխանատվություն կրում ենք։ Իսկ այն, որ Ադրբեջանում ոչ ոք չի պատրաստվում հրաժարվել ռևանշից, պարզապես պետք է ավելի լավ հասկանալ, թե ո՞րն է Ադրբեջանում գործող իշխանության քաղաքականությունը, նրանք չեն կարող զերծ մնալ դրանից։ Ավելի խելացի կլիներ անել այն, ինչ արեց Ադրբեջանի առաջին նախագահ Հեյդար Ալիևը՝ գոնե արտաքին պարկեշտություն դրսևորել, բայց վախենամ, որ որդին տարբերվում է հորից։ Դա իմ անձնական տպավորությունն է», - ասել է Զատուլինը:
Նյութը հրապարակման պատրաստեց Կամո Խաչիկյանը
