Ստոկհոլմյան համախտանի՞շ, թե՞ դավաճանություն Հայաստանին․ «Փաստ»

«Փաստ» օրաթերթը գրում է.

anna-news.info–ն «Ստոկհոլմյան համախտանի՞շ, թե՞ դավաճանություն Հայաստանին» վերնագրով հոդվածում գրում է, որ հայ-թուրքական սահմանի Մարգարայի անցակետի բացումը նախատեսված է 2025 թվականի մարտի 1-ին։ Հիշեցնենք, որ այդ անցակետը փակվել էր դեռ 1993 թվականին: Այդ որոշումը կապված էր Լեռնային Ղարաբաղի հակամարտության ամենաթեժ պահին տեղի ունեցած իրադարձությունների հետ։

Դա Փաշինյանի ևս մեկ քայլն է՝ ուղղված հայոց պատմությունը ջնջելուն, ինչը խորհրդանշական է՝ հատկապես հաշվի առնելով Նիկոլի հայտնած վերջին կասկածները՝ կապված Հայոց ցեղասպանության փաստերի հետ։ Կարելի է ենթադրել, որ Թուրքիայի համար պատմության այդ ամոթալի հատվածի վերացումը կդառնա այն պայմաններից մեկը, որը Փաշինյանը հնազանդորեն արդեն սկսել է կատարել։

Ինչի՞ կհանգեցնի այդ անցակետի բացումը։ Բնականաբար, դա կբերի Թուրքիայից կախվածության կտրուկ աճի, իսկ հայ-ռուսական հարաբերությունների համակարգված խզման համատեքստում այդ կախվածությունը ճակատագրական կդառնա։ Թուրքիան, անհրաժեշտության դեպքում, կկարողանա սահմանափակել Հայաստանի մուտքը դեպի միջազգային տրանսպորտային միջանցքներ, ինչը, ի վերջո, կհանգեցնի երկրի հետագա մեկուսացմանը։ Բացի այդ, Թուրքիան կարող է տարածաշրջանում ակտիվ հետախուզական գործունեություն իրականացնելու նպատակով օգտագործել անցակետի ենթակառուցվածքը տվյալների հավաքագրման համար սարքավորումներ տեղադրելով, ինչպես նաև կստանա հայ-ադրբեջանական հարաբերություններում քաղաքական ճնշման նոր լծակ։ Բացի դա, թուրքական ընկերությունների կողմից մրցակցության աճը, անշուշտ, բացասաբար կանդրադառնա Հայաստանի տնտեսության որոշ հատվածների վրա, իսկ հայրենական արտադրողների պաշտպանության միջոցների բացակայությունը կարող է հանգեցնել նրանց կործանմանը։

Փաշինյանն իր յուրաքանչյուր քայլով հանձնում է Հայաստանի ազատությունը նրա թշնամիներին, նա ծառայամտորեն վաճառում է Հայաստանի ինքնիշխանությունը անձնական անվտանգության երաշխիքների և արևմտյան տերերի ֆինանսական արտոնությունների դիմաց։

Մանրամասները՝ «Փաստ» օրաթերթի այսօրվա համարում