«Փաշինյանը սկսել է հայերին նախապատրաստել՝ պետք է համբերատար լինենք, իսկ Ադրբեջանը պատրաստվում է բեկման»
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը սկսել է հայերին նախապատրաստել այն բանին, որ Ադրբեջանը ևս մեկ ցատկ է կատարելու Զանգեզուրի միջանցքն ապահովելու համար։ Նման կարծիք է հայտնել քաղաքական գիտությունների դոկտոր, ԴԺՀ-ի պետական անվտանգության առաջին նախարար, tsargrad.tv–ի քաղաքական դիտորդ Անդրեյ Պինչուկը, գրում է tsargrad.tv–ն։
Փաշինյանը Վաշինգտոնում տեղի հայ համայնքի հետ հանդիպմանն ասել է, որ 2020 թվականի աշնանը Ղարաբաղում կրած պարտությունը «հնարավորություն է տվել ունենալ անկախ և ինքնիշխան երկիր»։ Անդրեյ Պինչուկը վստահ է, որ Փաշինյանը «հենց այնպես չի խոսում»: Նա բացատրել է, որ բոլորի համար Հայաստանը միասնական երկիր է Փաշինյանի գլխավորությամբ, սակայն հայերի մի զգալի մասի տեսակետից նման այլ «երկիրներ» ևս կան՝ ամերիկյան Հայաստան, ռուսական Հայաստան, Ֆրանսիական Հայաստան, լիբանանյան Հայաստան և այլն։ Դրանք մի շարք խոշոր, հզոր սփյուռքներ են, որոնք իրականում մրցում են միմյանց հետ:
Երկար ժամանակ երևանյան Հայաստանում կար միֆ, թե այսպես կոչված ղարաբաղյան Հայաստանի պատճառով են իրենք վատ ապրում։ Երևանի հայերի հետ Փաշինյանի երկխոսությունը հիմնված էր այն մտքի վրա, որ իրենք շատ երկար ժամանակ ճնշված են եղել, և նրանց ճնշել են իբր «ղարաբաղցի հայ մրցակից եղբայրները», ովքեր իրենց հերթին «վերահսկվում էին Մոսկվայի կողմից»։
Ըստ Պինչուկի երևանյան Հայաստանն իր ուժեղ սփյուռքների պատճառով դատապարտված է մշտական խնդիրների։ Ուժեղ սփյուռքները լվանում են ամեն ինչ՝ ինտելեկտուալը, ակտիվը և դրականը: «Եվ, իհարկե, այդ «ղարաբաղյան կլանի» մասին ամբողջ արտահոսքերը դավադրություն էր Փաշինյանի, Ադրբեջանի և ամենատարբեր միջնորդների կողմից։ Եվ հետևաբար, նրանք հիմա պետք է անընդհատ հիմնավորեն, թե ինչո՞ւ է տեղի ունեցել ազգային դավաճանություն, ինչո՞ւ չեն պայքարում Լեռնային Ղարաբաղի ղեկավարության համար, որը (կրկին Փաշինյանի հետ համաձայնությամբ) դատվում է Ադրբեջանում։ Դա կարևոր կետերից մեկն է։ Նաև ինչո՞ւ հայերը ստիպված կլինեն ևս մեկ անգամ համբերել, երբ Ադրբեջանը, ի վերջո, ևս մեկ ցատկ կկատարի Զանգեզուրի միջանցքի ապահովման համար, ինչի մասին, ըստ էության, Ալիևն արդեն գրեթե բացահայտ է հայտարարում»,- ամփոփել է Պինչուկը։
Նյութը հրապարակման պատրաստեց Կամո Խաչիկյանը
