Եվրոպայում գազի գինը բարձրացել է

Բնական գազի գները Եվրոպայում բարձրացել են՝ հասնելով վերջին 2 տարվա առավելագույնին։ Վաճառվում է 620 դոլար հազար խորանարդ մետրի դիմաց, ինչը վերջին անգամ եղել է 2023 թվականի փետրվարին, գրել է Bloomberg-ը։

Ավելի քան 5 տոկոսով աճի պատճառ է դարձել հյուսիսարևմտյան Եվրոպայում սպասվող ցուրտ եղանակը, ինչը մեծացնում է ջեռուցման պահանջարկը։

Լրացուցիչ բացասական գործոն է եվրոպական պահեստարաններում գազի նվազագույն պաշարները վերջին 3 տարիների ընթացքում ընթացիկ ամսաթվի դրությամբ։ Փետրվարի կեսերին դրանք լցված են եղել ընդամենը 49 տոկոսով՝ նախորդ տարվա 67 տոկոսի դիմաց, ինչը կազդի ամառային գնումների վրա: Բացի ցրտից, գնաճի պատճառ է դարձել երկար ժամանակ հանգիստ եղանակը, որն ազդում է հողմային էլեկտրակայանների արտադրության վրա։