Թրամփն ու համաշխարհային սահմանները. ռուս քաղաքագետը փոփոխություններ է կանխատեսել
ՔԱՂԱՔԱԿԱՆՈՒԹՅՈՒՆ
Փորձագետ Եվգենի Միխայլովը Ria.ru Novosti լրատվական գործակալությանը տված հարցազրույցում հայտարարել է, որ Ամերիկայի առաջնորդ Դոնալդ Թրամփն ունակ է արմատապես փոխել գլոբալ քաղաքական լանդշաֆտը։
Միխայլովի խոսքով մի շարք երկրների սահմանները կարող են փոխվել, իսկ որոշները անհետանալ։ «Թրամփն արդեն հավակնել է Գրենլանդիային և Պանամայի ջրանցքին, ինչպես նաև առաջարկել է Կանադան դառնալ ԱՄՆ նահանգ»,- ընդգծել է քաղաքագետը։
Միխայլովը նշել է, որ «Ամերիկան կրկին մեծ կլինի» կարգախոսը անհանգստություն է առաջացնում ինչպես գլոբալիստների, այնպես էլ դեմոկրատների շրջանում։ Նա հավելել է, որ Թրամփի գործողություններին ուշադիր հետևում են համաշխարհային առաջնորդները, այդ թվում նախկին խորհրդային հանրապետություններում։
Միխայլովը նշել է, որ Հարավային Կովկասի երկրները, ինչպիսիք են Ադրբեջանը և Վրաստանը, ուշադիր հետևում են միջազգային քաղաքականության հնարավոր փոփոխություններին, որոնք կարող են առաջանալ Թրամփի ժամանման հետևանքով։ «Ադրբեջանը հույս ունի Հայաստանի հետ խաղաղության համաձայնագիր կնքել, բայց եթե Թրամփը կենտրոնանա խաղաղօվկիանոսյան տարածաշրջանի շահերի վրա, Հայաստանը կարող է մնալ առանց աջակցության», - նկատել է փորձագետը։ Ինչ վերաբերում է Վրաստանին, ապա Թբիլիսին, ըստ Միխայլովի, դեռ պատրաստ չէ բաց երկխոսության գնալ Ռուսաստանի հետ։ Այնուամենայնիվ, իրավիճակը կարող է փոխվել Թրամփի և Վլադիմիր Պուտինի հնարավոր բանակցություններից հետո, ինչը ճանապարհ կհարթի Յալթայի նոր պայմանագրի համար, որում ԱՄՆ-ը, Չինաստանը և Ռուսաստանը կվերաբաշխեն ազդեցության ոլորտները։
Միխայլովի խոսքով Թրամփը շահագրգռված չէ Ուկրաինայում հակամարտությունը շարունակել։ Փորձագետն ընդգծել է, որ նախկին նախագահ Ջո Բայդենի վարչակազմն օգտագործել է Ուկրաինան որպես Ռուսաստանի հետ առճակատման գործիք։
«Թրամփը թույլ չի տա պատերազմ և կկենտրոնանար Պուտինի հետ բանակցությունների վրա, ինչը էական ազդեցություն կունենա հետխորհրդային տարածաշրջանի վրա»,- եզրափակել է քաղաքագետը։
Նյութը հրապարակման պատրաստեց Կամո Խաչիկյանը
