Ո՞վ է կազմակերպել Ավինյանի առանձնատան վերաբերյալ արտահոսքը

Երևանի քաղաքապետի անվան շուրջ վերջին շրջանում մի քանի արտահոսքեր են եղել՝ եռահարկ առանձնատան գնման, այն մոր անունով ձևակերպելու վերաբերյալ։ Արտահոսքերը տեղի են ունենում տրանսպորտի սակագնի բարձրացման կապակցությամբ բողոքի ակցիաների ֆոնին, իսկ մամուլն էլ մանրամասն լուսաբանում է այդ առանձնատան հետ կապված զարգացումները, ԶԼՄ-ներում արագորեն տարածվում են առանձնատան բոլոր մանրամասները։

Ավինյանի թիմում վստահ են, որ արտահոսքը կազմակերպվել է վարչապետի մակարդակով, կառավարության շենքից։ Փաշինյանը փորձում է տրանսպորտի շուրջ աղմուկն օգտագործել իր հնարավոր մրցակցին շարքից հանելու համար, և ինքն է հրահանգել, որ կադաստրը մամուլին արտահոսք կազմակերպի։

Փաշինյանն այս պահին այնքան չի վախենում այսպես կոչված փողոցային կամ տիտղոսային ընդդիմությունից, որքան թիմակիցներից, ներկուսակցական հեղաշրջումից, ու այս առումով Ավինյանին ավանդաբար համարում է իր գլխավոր մրցակիցներից մեկը, ով կարող է գործարքի գնալ և ներքին ընդդիմություն դառնալ։ Մյուս ընդդիմադիր ուժերն էլ մարտավարական առումով դեմ չեն լինի, որ հենց ՔՊ ներսում հեղաշրջում լինի։ Եվ այդ պատճառով էլ Փաշինյանի թիրախում հենց իր կուսակիցներն են։

Արփինե Վարդանյան