Կյանքից անժամանակ հեռացել է Վիլեն Գևորգյանը
ՀԱՍԱՐԱԿՈՒԹՅՈՒՆ
YerevanBlog-ը գրում է․ Վիլեն Գևորգյանը անժամանակ հեռացավ կյանքից՝ մեծ կորստով համակելով իր շրջապատը և նրան ճանաչողներին։ Նա ընդամենը 25 տարեկան էր, բայց արդեն հասցրել էր մեծ հետք թողել իր կյանքում։
Ավտովթարը դարձավ պատճառ, որ նա իր մահկանացուն կնքի ու կբռնի հավերժի ճանապարհը։ Իսկ ո՞վ էր նա․․․ Նա Ռուսաստանում հայտնի բարեգործական ընկերություններից մեկի ղեկավարն էր, որի գլխավոր առաքելությունը տեղի հայ պատանիների զբաղվածության հարցերով զբաղվելն էր… Վիլեն Գևորգյանի ջանքերով ավելի քան 100 պատանի հնարավորություն է ստացել անվճար կրթություն ստանալու, ինչը նրանց համար բացել է նոր հորիզոններ և բարելավել կյանքի որակը։ Նրա անմնացորդ նվիրումը, բարոյական արժեքները և հայրենակիցներին աջակցելու ձգտումը օրինակելի էին…
Նա հավատում էր, որ կրթությունը և մշակութային ինքնությունը պահելը կարևորագույն դեր ունեն երիտասարդների զարգացման գործում։ Իր ծրագրերի միջոցով նա ոչ միայն կրթական հնարավորություններ էր ապահովում, այլև նպաստում էր պատանիների մասնագիտական կողմնորոշմանը և ինտեգրմանը հասարակության մեջ։ Վիլենի կորուստը խոր ցավ է պատճառել ինչպես իր ընտանիքին ու ընկերներին, այնպես էլ բոլոր նրանց, ովքեր երբևէ առնչվել են նրա բարեգործական գործունեության հետ։ Նրա հիշատակը կմնա վառ, իսկ թողած ժառանգությունը՝ հարատև։
