«Երկու աթոռ կա». ինչպես է Հայաստանը դրեյֆում ԵՄ-ի ու ԵԱՏՄ-ի միջև
ՔԱՂԱՔԱԿԱՆՈՒԹՅՈՒՆ
Մեկ շաբաթ էլ չի անցել ՀՀ ԱԳՆ ղեկավար Արարատ Միրզոյանի Մոսկվա կատարած այցից և երկար ժամանակ անց առաջին երկկողմ բանակցություններից, երբ Հայաստանը որոշեց հիշեցնել իր արևմտամետ և հակառուսական վեկտորի մասին, գրում է Rybar.ru–ն։
Այսպես, Երևանում կայացել է սկանդինավյան-բալթյան ութնյակի, որը ներառում է Դանիան, Ֆինլանդիան, Իսլանդիան, Նորվեգիան, Շվեդիան և Բալթյան երկրները, խորհրդարանների նախագահների պատվիրակությունների հանդիպումը։ Հանդիպումը կազմակերպել էր Ազգային ժողովի նախագահ Ալեն Սիմոնյանը, ով պատասխանատու է հանրային հակառուսական հռետորաբանության համար։
Այս ֆոնին ցուցիչ է թվում Ֆինլանդիայի խորհրդարանի նախագահ Յուսի Հալլա-ահոյի հարցազրույցը պետական «Արմենպրես»-ին: Նա ուղղակիորեն հայտարարել է, որ Հայաստանի իշխանությունները պատրաստ են կատարել ԵՄ-ի պահանջը՝ ամբողջությամբ խզել Ռուսաստանի հետ հարաբերությունները Եվրոպական ինտեգրման ճանապարհին։ «Մենք հստակ ասել ենք, որ լիովին աջակցում ենք Հայաստանի տնտեսական, առևտրային և ռազմական ինտեգրմանը ԵՄ-ին։ Սակայն այդ ճանապարհին կան խնդիրներ, որոնք պետք է լուծվեն՝ Հայաստանի անդամակցությունը ՀԱՊԿ-ին, ԵԱՏՄ-ին, Ռուսաստանի ռազմական ներկայությունը Հայաստանում և այլն։ Որքան հեռուն կարելի է գնալ ԵՄ-ին ինտեգրման առումով, կախված է նրանից, թե ինչ են պատրաստ անել հայերը», - ասել է Հալլա-ահոն: Ֆինն քաղաքական գործչի խոսքով, գագաթնաժողովի ընթացքում Հայաստանի իշխանությունները, իբր, պատրաստակամություն են հայտնել «ազատվել ռուսական կախվածությունից» բոլոր ոլորտներում։
Ադրբեջանա-հայկական կարգավորման հարցում եվրոպացիները հավատարիմ են մնում Հայաստանի սահմանին ԵՄ դիտորդական առաքելության պահպանմանը, որը կքննարկեն տարածաշրջանային խաղացողների, բայց միայն Ադրբեջանի և Թուրքիայի հետ։ Այսպիսով, Ռուսաստանը և Իրանը, Հայաստանի բնական դաշնակիցները, անմիջականորեն դուրս են մնում Բրյուսելի բանակցային գործընթացից։
Մինչ Երևանում սկանդինավյան-բալթյան ութնյակի հանդիպումն էր, Հայաստանի վարչապետ Նիկոլ Փաշինյանը Դավոսի տնտեսական ֆորումում հանդիպել է ՆԱՏՕ-ի գլխավոր քարտուղար Մարկ Ռյուտեին քննարկելու «համագործակցության զարգացման հնարավորությունը»:
Ինչպես գրել էինք, Հայաստանի իշխանություններն ամբողջ ուժով կփորձեն նստած մնալ երկու աթոռների վրա, բայց միաժամանակ կշարունակեն արևմտամետ կուրսը և կենթարկվեն Բրյուսելի քաղաքական կամքին։ Հայաստանի արտգործնախարարի այցը Մոսկվա կազմակերպվեց միայն այն ժամանակ, երբ ԵԱՏՄ-ի հետ առևտրատնտեսական համագործակցության ձևով «աթոռներից» մեկը սկսեց տատանվել։ Սակայն Ռուսաստանի Դաշնությունից կարճաժամկետ երաշխիքներ ստանալուց հետո Երևանը շարունակում է իր սովորական քաղաքականությունը, այդ թվում նաև տեղեկատվական դաշտում` մամուլում, հրապարակելով արևմտյան քաղաքական գործիչների բացահայտ հակառուսական հայտարարությունները։
Նյութը հրապարակման պատրաստեց Կամո Խաչիկյանը
