ՔՊ նիստը թեժ է անցել

Երեկ տեղի է ունեցել «Քաղաքացիական պայմանագիր» կուսակցության վարչության նիստ, որը վարել է վարչության նախագահ Նիկոլ Փաշինյանը։ ՔՊ տարածած հաղորդագրությունները գնալով ավելի լակոնիկ և բովանդակազուրկ են դառնում։ Նշվում է, որ քննարկվել է իրականացվող ռեֆորմների ընթացքը։

ՔՊ մեր աղբյուրի փոխանցմամբ, նիստը բավական թեժ է անցել, վարչության անդամներից մի քանիսը, զարմանալիորեն, դեմ են արտահայտվել ՔՊ վերջին նախաձեռնություններին, նշել, թե հանրությանը չեն կարողանում համոզել ոչ համընդհանուր հայտարարագրման, ոչ տրանսպորտի թանկացման անհրաժեշտությունը։ Արձանագրել են, որ կուսակցությունը խնդիրներ է ունենալու, և ոչ միայն ավանդական ընդդիմադիր զանգվածի, այլև անգամ յուրայինների հետ, որոնք ևս տառապելու են ՔՊ իրականացրած «բարեփոխումներից»։

Ասում են՝ Փաշինյանն այնքան էլ ակտիվ չի եղել նիստում, ուշադիր լսել է կուսակիցներին, ինչ-որ գրառումներ արել։ Հենց նիստից հետո էլ քաղաքապետը հայտարարեց, որ տրանսպորտի սակագինը նվազում է։ Վարչության անդամները նշել են, որ եթե պատրաստվում են արտահերթ զարգացումների, ապա այս թանկացումները, ժողովրդի կյանքը բարդացնելը լուրջ հարված է հասցնելու առանց այն էլ ցածր վարկանիշին, և հարկավոր է ինչ-որ կերպ փոխել որոշումները։ 

Ալլա Տեր-Հովհաննիսյան