Հիմնադրվել է «Հայոց արծիվներ» հայրենասիրական-հասարակական կազմակերպությունը․ պատմության այս օրը (27 հունվար)

ՈՐՈՇ ՏՈՆԵՐ- Հոլոքոստի զոհերի հիշատակի օր, Բոսնիա և Հերցեգովինա՝ Սուրբ Սավվայի օր, Սերբիա՝ Սուրբ Սավվայի օր, Մոնակո՝ Սուրբ Դեվոտիի օր, Վրաստան՝ Վրաստանի լուսավորիչ սուրբ Նինոյի օր, Թուրքմենիա՝ Հայրենիքի պաշտպանի օր, Իսլանդիա՝ Արևային սուրճի օր:

ՀԱՅԱՍՏԱՆՈՒՄ

1899– ծնվել է լեզվաբան, ՀԽՍՀ գիտության վաստակավոր գործիչ Արարատ Ղարիբյանը:

1919– ծնվել է, ամերիկահայ դաշնակահար, երգիչ և դերասան Ռոս Բաղդասարյանը:

1928 –ծնվել է դերասան, ՎԽՍՀ ժողովրդական արտիստ Սոս Սոսյանը:

1939– ծնվել է ճանաչված երգահան Տիգրան Մանսուրյանը, որը հեղինակ է գլխավորապես նվագախմբային, կամերային, երգչախմբային և վոկալ գործերի:

1942 – վախճանվել է պատմաբան, բյուզանդագետ և բանասեր Նիկողայոս Ադոնցը:

1944 – ծնվել է նկարչուհի, խեցեգործուհի Նոնա Գաբրիելյանը:

1962 –վախճանվել է կոմպոզիտոր Հրանտ Գրիգորյանը:

1973- ԱՄՆ-ի Սանտա-Բարբարա քաղաքի «Բալթիմոր» հյուրանոցում 13 կրակոցներով 78-ամյա Գուրգեն Յանիկյանը սպանել է թուրքիայի հյուպատոսին և փոխհյուպատոսին:

1992-Հայաստանը դիվանագիտական հարաբերություններ է հաստատել Իսպանիայի հետ:

2009-Ադրբեջանի մայրաքաղաքի իշխանությունները իրականացրել են Բաքվի 26 կոմիսարների աճյունների վերահուղարկավորում, աճյունները, որոնք հանգչում էին Բաքվի կենտրոնում գտնվող զբոսայգու տարածքում, վերահուղարկավորվել են քաղաքի գերեզմանոցներից մեկում: Նշենք, որ հայտնաբերվել է ոչ թե 26, այլ 23 աճույն:

2010– հիմնադրվել է «Հայոց արծիվներ» հայրենասիրական-հասարակական կազմակերպությունը:

2017-նախկին վարչապետ Հովիկ Աբրահամյանը հայտարարել է, որ լքում է ՀՀԿ-ն, բայց շարունակելու է զբաղվել քաղաքականությամբ:

2023- ուժի մեջ է մտել հայ-վրացական սահմանի հատման պարզեցված ռեժիմի մասին համաձայնագիրը։

- Գեորգի Ավետիսյանն ազատվել է ՍԱՏՄ ղեկավարի պաշտոնից:

ԱՇԽԱՐՀՈՒՄ

98- Հռոմի կայսր Ներվայի մահից հետո կայսր է դարձել Տրայանոսը: 

1695 –Թուրքիայում  Ահմեդ 2-րդի մահից հետո սուլթան է դարձել Մուստաֆա 2-րդը:

1571 –ծնվել է  Իրանի շահ Աբբաս 1-ինը:

1585 —ծնվել է հոլանդացի գեղանկարիչ Հենդրիկ Ավերկամպը:

1621 —ծնվել է բրիտանացի գիտնական-բժիշկ Թոմաս Ուիլլիսը, որը հանդիսանում է անգլիական թունաբանության հիմնադիրներից մեկը:

1687 —ծնվել է հանրաճանաչ բարոկկո և ռոկոկկո ոճերի գերմանացի ճարտարապետ Իոհան Բալթազար Նեյմանը:

1731 —վախճանվել է իտալացի երաժշտական գործիքների վարպետ Բարտոլոմեո Քրիստոֆորին, որը հանդիսանում է դաշնամուրի ստեղծողը:

1756 – ծնվել է ավստրիացի հանրահայտ կոմպոզիտոր Վոլֆգանգ Ամադեուս Մոցարտը:

1826 —ծնվել է ռուս գրող Միխաիլ Սալտիկով-Շչեդրինը:

1832– ծնվել է անգլիացի գրող, նաև մաթեմատիկոս, փիլիսոփա և լուսանկարիչ, «Ալիսը Հրաշքների աշխարհում» աշխարհահռչակ գրվածքի հեղինակ Լուիս Քերոլը:

1901 –վախճանվել է  իտալիացի հանրահայտ կոմպոզիտոր Ջուզեպպե Վերդին:

1918– Ֆինլանդիայում սկսվել է քաղաքացիական պատերազմ:

1924 —տեղի է ունեցել Վլադիմիր Լենին թաղման արարողությունը:

1944 – Երկրորդ համաշխարհային պատերազմի ժամանակ  «Հունվարյան կարկուտ» օպերացիայի արդյունքում ամբողջովին հանվել է Լենինգրադի բլոկադան: 

1948 —ԱՄՆ-ում վաճառքում հայտնվել են դյուրակիր մագնիտոֆոններ՝ Wire Recording մակնիշի, արժեքը 149 դոլլար:

1967-կնքվել է միջազգային պայմանագիր, ըստ որի սահմանվել են պետությունների կողմից տիեզերքի ուսումնասիրման և օգտագործման կանոնները, միևնույն ժամանակ տիեզերքը հայտարարվել է ամբող մարդկության հարստություն և արգելվել է այնտեղ տեղադրել միջուկային զենք: 

1973– Փարիզում կնքվել է խաղաղության համաձայնագիր, համաձայն որի ամերիկյան զորքերը պետք է դուրս բերվեն Վիետնամից, ինչով փաստացի ավարտվել է Վիետնամի պատերազմը:

1983 —ավարտվել է ամենաերկար ստորջրյա Սեյկան թունելի շինարարությունը, որի երկարությունը 53,85 կմ է և այն կապում է ճապոնական Հոնսյու և Հոկայդո կղզիները: 

1983 –վախճանվել է ֆրանսիացի դերասան Լուի դը Ֆյունեսը:

2010 – վախճանվել է ամերիկացի գրող Ջերոմ Դեյվիդ Սելինջերը:

2018 —վախճանվել է «IKEA» ընկերության հիմնադիր, շվեդ ձեռնարկատեր Ինգվար Կամպրադը:

2020-ուղղաթիռի վթարի հետևանքով զոհվել է լեգենդար ամերիկացի բասկետբոլիստ, 41-ամյա Կոբի Բրայանտը:

2055  —կլինի արևի մասնակի խավարում:

2074  —կլինի օղակաձև արևի խավարում:

2093 — կլինի արևի լրիվ խավարում:

Կ. Խաչիկյան