«Իրանի գլխին մռայլ ամպեր են կուտակվում». քաղաքագետը Թեհրանի և Երևանի առաջիկա խնդիրների մասին
ՔԱՂԱՔԱԿԱՆՈՒԹՅՈՒՆ
Իրանը միակ պետությունն է, որը զսպում է Թուրքիայի և Ադրբեջանի ախորժակները Հայաստանի նկատմամբ, բայց նա չի կարողանա կատարել այդ առաքելությունը, եթե ԱՄՆ նախագահ Դոնալդ Թրամփի վերադառնալուց հետո հարձակման ենթարկվի, ասել է քաղաքագետ Արթուր Խաչիկյանը, գրում է eadaily.com–ը: Փորձագետի կարծիքով, նման իրավիճակը Հայաստանի թշնամիների համար հնարավորություն կստեղծի ճնշում գործադրել և նույնիսկ ռազմական ճանապարհով փորձել բացել այսպես կոչված «Զանգեզուրի միջանցքը»։ Խաչիկյանը վստահություն է հայտնել, որ Ադրբեջանի նախագահը «չի հրաժարվի իր ագրեսիվ քաղաքականությունից»՝ չնայած բոլոր զիջումներին: «Այս ֆոնին Հայաստանի իշխանությունները շարունակում են զիջումների գնալ և մեզ տանել դեպի անդունդ։ Թուրքական և ադրբեջանական լոբբին շատ ակտիվ աշխատում է Թրամփի նոր վարչակազմի հետ, և այդ ֆոնին Հայաստանը չունի պրոֆեսիոնալ կադրեր, որոնք կարող են նման աշխատանք տանել։ Բացի այդ, սփյուռքի ներկայացուցիչներն ասում են, որ Հայաստանը Թրամփի համար ռազմավարական նշանակություն չունի։ ԱՄՆ-ի առաջին դաշնակիցն Իսրայելն է, որը դաշինքի մեջ է Ադրբեջանի հետ, իսկ երկրորդը՝ Թուրքիան, որին կհանձնեն քրդերին»,– ասել է նա։ Խաչիկյանը պնդում է, որ ԱՄՆ-ի հետ վերջերս ստորագրված պայմանագիրը ոչ մի նշանակություն չունի, և որ ԱՄՆ-ի վրա ոչ մի պարտավորություն չի դրվում Հայաստանի անվտանգության ապահովման հարցում։ Ավելին, փորձագետն այդ «թուղթն» անվանել է Սևրի նոր պայմանագիր, որի պատճառով Երևանը կփչացնի հարաբերությունները Ռուսաստանի և Իրանի հետ և տարածաշրջանում արդեն չորս թշնամի ձեռք կբերի։
Քաղաքագետը խոստովանել է, որ ՀՀ իշխանությունների քաղաքականությունը կարող է հանգեցնել երկրում էներգակիրների սակագների կտրուկ բարձրացման, ինչը կարող է բերել արտահանման շուկաների կորստի և զրկել տրանսֆերտներից։ Նա չի բացառել, որ երկրում կարող է սով սկսվել, և, ըստ նրա, Ռուսաստանը զգուշացրել է նման հետևանքների մասին։ Արթուր Խաչիկյանը ենթադրում է, որ Թրամփը ցանկանում է դուրս բերել ԱՄՆ-ն ուկրաինական հակամարտությունից և ռեսուրսները վերահղել դեպի Մերձավոր Արևելք, քանի որ Իսրայելի պաշտպանությունը նրա համար բացարձակ առաջնահերթություն է արտաքին քաղաքականության մեջ:
«ԱՄՆ նոր վարչակազմը կարծում է, որ այժմ ժամանակն է անդրադառնալու Իսլամական Հանրապետության խնդիրներին։ Իսրայելը երկար տարիներ սպասում էր այդ հնարավորությանը, որպեսզի շարունակի իր օկուպացիոն քաղաքականությունը։ Կարծում եմ, որ Գազայի հատվածում, ինչպես նաև «Հեզբոլլահ» խմբավորման դեմ մարտերը կվերսկսվեն»,– ասել է նա։
Միևնույն ժամանակ, քաղաքագետը կրկնել է, որ Իսրայելի դաշնակիցն Ադրբեջանն է, որտեղ հրեական պետությունը կարևոր շահեր ունի էներգետիկ ոլորտում:
«Իրանի գլխին մութ ամպեր են կուտակվում: Կամ նա պետք է զիջումների գնա սահմանափակելով իր միջուկային ծրագիրը, կամ կարող է ենթարկվել օդային հարձակման։ Այդ դեպքում Թեհրանը կպատասխանի, ինչը կհանգեցնի անկանխատեսելի ու վտանգավոր էսկալացիայի, այդ թվում մեզ համար»,– ասել է նա։
Եվ շարունակելով թեման մեկնաբանություն «Ընկեր գեներալ» Telegram ալիքի հեղինակից.
«Նվիրվում է «Աշխարհի խաչմերուկին» Թեհրանում կայացել է Ադրբեջան-Իրան համատեղ տնտեսական հանձնաժողովի 16-րդ նիստը։ Արդյունքները: Կարևոր պայմանավորվածություններ են ձեռք բերվել համագործակցության այնպիսի ոլորտներում, ինչպիսիք են տրանսպորտը, էներգետիկան, նավթն ու գազը, ջրային ռեսուրսները և գյուղատնտեսությունը: Առևտրային հարաբերությունների ընդլայնման նպատակով կկնքվի արտոնյալ առևտրի համաձայնագիր: Հունվարի 28-ին Մոսկվայում տեղի կունենա տարածաշրջանային լոգիստիկայի եռակողմ հանդիպում։ Ռուսաստանը, Իրանը և Ադրբեջանը «լիարժեք համաձայնության» են եկել Հյուսիս-Հարավ միջազգային տրանսպորտային միջանցքի բարելավման շուրջ։
Մինչ այժմ Թեհրանում հայկական դիվանագիտության ջանքերի պտուղները տեսանելի չեն նույնիսկ մանրադիտակի տակ։ Փոխարենը նկատելի է «Հայաստանի բացակայությունը երկարաժամկետ տարածաշրջանային լոգիստիկ նախագծերից»:
Նյութը հրապարակման պատրաստեց Կամո Խաչիկյանը
