Փորձագետ. Հայաստանում կա թուրքական գրաքննություն
ՔԱՂԱՔԱԿԱՆՈՒԹՅՈՒՆ
Հայաստանում կա թուրքական գրաքննություն, և դա ապացուցված փաստ է, ֆեյսբուքյան իր էջում հայտարարել է թուրքագետ Վարուժան Գեղամյանը, գրում է rossaprimavera.ru–ն։
«2021 թվականի սեպտեմբերին Գորիս-Կապան ճանապարհին ադրբեջանցի մարտիկն ատրճանակով կանգնեցրել է հայ երեխաներով ավտոբուսը և նրանց սպառնալով ավտոբուսից հանել Արցախի դրոշն ու զինանշանը»,- գրել է փորձագետը։
Ըստ Գեղամյանի երկրի խորհրդարանում վերջերս տեղի ունեցած միջադեպը, որտեղ հանվել է Հայաստանի և Արցախի (Լեռնային Ղարաբաղ) միացյալ տարածքները պատկերող երկրի քարտեզը, վկայում է թուրքական գրաքննության առկայության մասին: «Փաստորեն արգելված է կպցնել մեր երկրի քարտեզը Հայաստանի տարածքում, այն, որ Հայաստանում գործում է թուրքական գրաքննություն, ապացուցված փաստ է»,– գրել է նա:
Թուրքագետը վստահ է, որ եթե այս ամենին դիմադրություն չլինի, ապա թուրքական գրաքննությունը շուտով կտարածվի երկրի կյանքի բոլոր ոլորտներում: Ըստ Գեղամյանի գրաքննության մեկ այլ վառ ապացույցը վարչապետի մամուլի քարտուղարի ներողությունն է «Արցախ» բառն արտասանելու համար։
Փորձագետը հիշեցրել է, որ 19-րդ դարում Օսմանյան կայսրության սուլթան Աբդուլ Համիդ II-ի հրամանով «Արմենիա» բառի արտասանությունն արգելվել էր։ «Կարծում եմ, որ հիմա սուլթանի հոգին փառաբանվում է տեսնելով այդ ամենի ժամանակակից դրսևորումները»,- գրել է Գեղամյանը։
Նյութը հրապարակման պատրաստեց Կամո Խաչիկյանը
