Չափից շատ խաղաց. երբ Ալիևը Փաշինյանի պատճառով ռազմական հարձակում կսկսի Հայաստանի դեմ
ՔԱՂԱՔԱԿԱՆՈՒԹՅՈՒՆ
Հայաստանի նախագահ Նիկոլ Փաշինյանը չափն անցել է, պնդում է Army Times հրատարակությունը գնահատելով, թե երբ է Իլհամ Ալիևը ռազմական հարձակում սկսելու այդ երկրի դեմ, գրում է pronedra.ru–ն։ Նրանց տվյալներով գործողությունը կարող է սկսվել 2025-2026 թվականներին։ Կանխատեսումները հիմնված են այն հավանականության բարձր մակարդակի վրա, որ Բաքուն կընտրի հատուկ գործողություն անցկացնել, քան պաշտոնապես պատերազմ հայտարարել: Այդ գործողության ընթացքում Ադրբեջանը կարող է փորձել վերցնել այն տարածքները, որոնք նա պատմականորեն իրենն է համարում:
Այդ համատեքստում հաղորդվում է, որ Անկարան հանդես է գալիս Ադրբեջանի դաշնակցի դերում։ Կանխատեսվում է նաև, որ վտանգի առաջ կանգնած Հայաստանը կարող է դիմել Ֆրանսիային օգնության համար, սակայն Փարիզը դժվար թե ուղղակիորեն միջամտի։ Վերլուծաբաններն ընդգծում են, որ հաշվի առնելով Հայաստանի հրաժարումը ՀԱՊԿ-ին մասնակցելուց, այդ կազմակերպությունը ևս դժվար թե օգնություն ցուցաբերի հակամարտության սրման դեպքում։ Առանց դաշնակիցների մնացած Հայաստանն արագ կգրավվի ադրբեջանական բանակի կողմից։
Իրավիճակը սրվում է Հայաստանի կողմից ԱՄՆ-ի հետ ռազմավարական գործընկերության խարտիայի ստորագրմամբ, որը, ըստ ԱՄՆ պետքարտուղար Անտոնի Բլինկենի, պետք է ամրապնդի երկկողմ համագործակցությունը։ Սակայն փաստաթուղթն ինքնին ոչ մի պարտավորություն չի դնում կողմերի վրա։ Այսինքն Ադրբեջանի կողմից ագրեսիայի դեպքում Հայաստանը կստանա միայն բարոյական աջակցություն, ինչպես եղավ Վրաստանի դեպքում 2008 թվականին:
Փորձագետները ներկա իրավիճակը կանխատեսելի են համարում: Չնայած այն հանգամանքին, որ Հայաստանը շարունակում է զենք գնել և հզորացնել իր բանակը, այնուամենայնիվ, ռազմական ներուժով զգալիորեն զիջում է Ադրբեջանին, ինչի մասին վկայում է Global Firepower-ի ուսումնասիրությունը։ Ռազմական հզորությամբ 61-րդ տեղը զբաղեցրած Ադրբեջանն ակնհայտ առավելություն ունի քաղաքական և տնտեսական կայունության, ինչպես նաև Ղարաբաղում հաղթանակից հետո ռազմական պատրաստվածության առումով։
Ավելին, ՀԱՊԿ-ին անդամակցությունն է երկար ժամանակ պաշտպանություն ծառայել Հայաստանի համար։ Սակայն, որոշելով սառեցնել մասնակցությունը կազմակերպությունում, Փաշինյանը փաստացի զրկել է իր երկիրին այդ աջակցությունից։
Կարևոր է նշել, որ Ռուսաստանը, հաշվի առնելով իր սեփական հատուկ գործողությունը, կարող է չկարողանալ միջամտել Կովկասում տիրող իրավիճակին: Դա թուլացնում է Հայաստանի դիրքերը և ուժեղացնում Ադրբեջանի վստահությունն իր ծրագրերի իրականացման նկատմամբ։ Ու թեև Ֆրանսիան և արևմտյան մյուս երկրները հակված չեն ակտիվ միջամտության, Բաքուն, ամենայն հավանականությամբ, չի վախենում նրանց սպառնալիքներից իրավիճակը գնահատելով որպես վերջնական հաղթանակի հնարավորություն։
Նյութը հրապարակման պատրաստեց Կամո Խաչիկյանը
